Le Grand Pokka Cafe (Closed)

Le Grand Pokka Cafe環境：👣👣👣食物：😋😋😋態度：😊😊性價比：👍👍7個人食埋單2163蚊（已計會員餐同9折左）（會員餐原價4xx，會員價2xx）環境方面，比一般西餐廳多左半份貴氣退餐廳，感覺同baby cafe同pokka cafe旗下既裝修大同小異。食物方面：野菌忌廉湯，好多菇，唔太差既，係有少少d菇到走出黎既酸。蒜蓉包（+10蚊2片），除左好硬，好細塊之外，就係無味。唔知乜野牛柳蕃茄意粉，不得了，d牛望落7成熟，放口入似7成熟既湯渣，又乾又柴皮，然後無乜牛味，意粉右半座山叫做有少少汁，左半座山乾硬化，意粉真係一舊黐住，難捨難離，又淡又乾又一大舊既意式粉團🤦🏻‍♀️頂級希達姆咖啡，佢比較少酸味，偏苦，然後比藍山咖啡重烘培味。藍山咖啡，微酸，整體比我既感覺係個味好淡，似落唔足咖啡粉沖，我情願揀平一倍既希達姆咖啡。態度方面，我地有唔岩在先，因為入座未齊人（2點左右），坐低又一路睇menu，一路傾計，但都唔洗催4,5次落單既，仲要一個制服同行為上睇落係比較高級既人。然後有人想申請會員卡，態度都依然係好無禮貌，好不屑。佢究竟有幾嬲我地唔即刻落單呢？🤔有會員卡個個請，佢埋單都比