正宗上海生煎皇后麵館 (Closed)

今晚同老公2個出左深水埗搵食，之前見到呢一間鋪頭開張都冇為意，原來呢一間就係江若琳果一間鋪頭，咁就入去試吓好唔好食啦，入到個環境唔錯，一入到去已經見到好大張相😂，服務員亦都幾好禮貌，1)麻辣口水雞伴面，只有辣味，一啲都唔香🤦🏻‍♀️，2）涼拌手拍青瓜，只係食到青瓜味😏都唔識點講，最好笑嘅係食到最後嗰幾夠先至有少少麻油味🤦🏻‍♀️，面頭嗰啲一啲味都冇，3）火焰芝士吉列豬扒，冇咩特別，只係塊吉列豬扒上面加咗芝士，4）招牌炸鍋貼，我覺得應該叫炸春卷會比較貼切，用筷子夾起嘅時候，啲油係咁的出嚟😱，雖然個外皮係炸到金黃色，但個皮係唔脆嘅，係硬既🤷🏻‍♀️，唔知點炸既呢？5）招牌五色水餃，呢一個係最好食㗎啦，五隻顏色每一個都唔同味道，我個人最喜歡食橙色既芝士蝦，咬落去嘅時候啲芝士係多到爆出嚟嘅，呢一個可以一試，6）蘆薈柚子茶，不過不失，7）百香果雪梨茶，好甜.......係非常甜，要自己加多一杯水落去先好啲🤦🏻‍♀️，冇諗過d水準真係差得咁緊要，如無意外都唔會再有下次