江戶日本料理 (Closed)

第一次，試吓。 一個壽司set ，一個刺身set，三佰幾蚊一個，包前菜、蒸蛋、甜品，刺身set有飯，壽司 set不包烏冬，加＄30就有。 刺身set先來，7款刺身，侍應好有禮貌咁放低就行開了，沒有介紹那幾款是甚麼刺身，可能覺得我知啦，又係嘅，望落去都知道有牡丹蝦、海膽、鯖魚、拖羅、三文魚，仲有兩款白身魚應該係鰤魚同章紅魚，ok冇特別。比較好食係鯖魚同隻蝦。另外，跟餐的那個白飯很好吃，是日本米。 壽司有八／九件，因為得一片蛋，唔知當佢一件定半件好，仲一個卷。銀色皮那件最好食，應該是深海池魚，新鮮爽脆，那個卷則不能，裡面的紫菜腍到咬唔開。 這間店有很多菜式供應，大家看看那些千篇一律的食評／介紹便知道，想必是試食活動的稿件，裡面是沒有壽司刺身，也許這門不是他們的強項，都沒有推廣。 最後，想問點解咁鍾意三文魚？deluxe sushi/sashimi set，三文魚和deluxe真的沒有關係。