Video
Read full review
2021-12-20
111 views
名廚凌瓏菲近日喺MegaBox開設新餐廳，取名Solé，可以話係之前所開餐廳Solemate嘅延續。入面裝潢優雅高貴而簡潔，亦有加入藝術元素。餐廳內另設有獨立間隔，可以讓食客享有多一點私隱及空間。新開業選擇未有太多，相信希望努力專注做好主打菜式。我哋就選擇咗$788的4-course行政二人套餐。點餐後店員首先奉上麵包，法式百吉包外脆內軟，配以香滑嘅鮮牛油，為往後嘅法國菜式揭開序幕。法式洋蔥湯(French Onion Soup)入面有滿滿洋蔥絲，經熬製過嘅洋蔥令整個湯香而清甜，而法式洋蔥湯更配有法國麵包連一層芝士(Gruyère Cheese)，令甜甜的洋蔥湯加入點點鹹香。椰菜花忌廉湯將椰菜花打得幼滑，上面加入咗杏仁片後令忌廉湯嘅口感昇華，輕輕幾滴的橄欖油令忌廉湯更香更滑。布拉塔芝士伴蕃茄(Burrata Cheese with Basil, Tomatoes and Thyme Oil)近年經常喺我嘅餐牌上出現，相對淡口嘅芝士配合新鮮嘅蕃茄，上面加咗帶甜嘅意大利醋同帶百里香草味嘅橄欖油，味道清新同時亦令人開胃。酒香雞肝醬伴砵酒啫喱(Chicken Liver Pâté with P
入面裝潢優雅高貴而簡潔，亦有加入藝術元素。餐廳內另設有獨立間隔，可以讓食客享有多一點私隱及空間。
新開業選擇未有太多，相信希望努力專注做好主打菜式。我哋就選擇咗$788的4-course行政二人套餐。點餐後店員首先奉上麵包，法式百吉包外脆內軟，配以香滑嘅鮮牛油，為往後嘅法國菜式揭開序幕。
法式洋蔥湯(French Onion Soup)入面有滿滿洋蔥絲，經熬製過嘅洋蔥令整個湯香而清甜，而法式洋蔥湯更配有法國麵包連一層芝士(Gruyère Cheese)，令甜甜的洋蔥湯加入點點鹹香。
椰菜花忌廉湯將椰菜花打得幼滑，上面加入咗杏仁片後令忌廉湯嘅口感昇華，輕輕幾滴的橄欖油令忌廉湯更香更滑。
布拉塔芝士伴蕃茄(Burrata Cheese with Basil, Tomatoes and Thyme Oil)近年經常喺我嘅餐牌上出現，相對淡口嘅芝士配合新鮮嘅蕃茄，上面加咗帶甜嘅意大利醋同帶百里香草味嘅橄欖油，味道清新同時亦令人開胃。
布拉塔芝士伴蕃茄
14 views
0 likes
0 comments
慢煮西冷伴薯泥(Sous-vide Sirloin Steak with Pomme Mousseline)十分高質，西冷給人印象不及肉眼嫩滑，但經慢煮後外面再炭燒一下，令西冷充滿烤香而且肉質仍保持鮮嫩。再以充滿牛油香嘅薯泥同沙律菜伴碟，確令人大快朵頤。
慢煮西冷伴薯泥
5 views
1 likes
0 comments
慢煮豬架配甜酸菠蘿沙律
3 views
0 likes
0 comments
法式焦糖布丁
17 views
0 likes
0 comments
一冷一熱嘅咖啡同樣安排細心，凍咖啡配以凍鮮奶及糖水，而熱咖啡則配上奶泡及咖啡糖，連基本餐飲亦一絲不苟，絕對有法國餐廳嘅服務質素。
好高興喺九龍灣可以遇上一間咁有水準嘅法國餐廳，而且價錢相當親民，讓大眾可以用物超所值嘅價錢感受傳統法國餐廳嘅氣派。
Post
