峰壽司 (Closed)

尋晚同至愛去睇完小豬演唱會後,兩口子好開心.跟住去旺角峰壽司醫肚,點知一去到就話last order,唔緊要,一次過叫晒想食嘅野.d野食一黎,我地就開動了,點知食到咁上下,職員就行埋黎話"我地呢度無外賣服務,食唔晒唔可以帶走"...邊個唔知峰壽司只限堂食,而我地根本無擔心過"食唔晒"呢個問題.行開左一陣又返黎,話要埋左張單先,都唔緊要,因為已預左.點知...職員在數碟,問題係d野食都未黎齊,點解會數碟.我之後就問職員野食未齊喎,職員就話齊晒,廚房已無野食未出,我就開始有火了.自己叫咩食又點會唔知,個職員呢頭話已再無野食,果頭另一個職員就送上炸蠔...我要求職員再check多次單,最後結果係,仲有三碟食物送上...埋單後,我地繼續食,跟住職員竟然話,你地仲有十分鐘食,我地十二點打樣...真係收左錢就趕人走.我同女朋友都食到無癮,講真,餐廳除左要照顧客人食慾外,亦需顧及客人心情.今時今日咁樣o既服務態度,就算係更好食o既餐廳,都幾難長久生存,又何況食材一般,味道水平不過不失嘅峰壽司.在我地未食完嘅時候,呢位職員仲要同其他職員講"仲有一台未走,就快架喇"...試問何來再有心情去品嚐味道呢..