王子神谷 (Closed)

同朋友食完壽司郎，經過呢間店舖就想食梳乎厘pancake。而家開同類ge舖頭成行成市，我曾經食過天仁同bove出品ge梳乎厘pancake，前者我推薦鐵觀音口味，後者就原味加蜜糖，對於日本ge過江龍，當然都要試一下。之前睇過有某社交平台提到有珍珠瀑布梳乎厘pancake，完全擊中中意飲台飲ge我，雖然唔係好中意食珍珠，不過噱頭呢家野，都要去湊下熱鬧ge。比錢時staff話要等15mins，所以我同朋友係the one兜左個圈就返來接pancake la，不過一入口…um…唔係我想像中熱辣辣，而係暖暖地，唔通係因為呢兩日急凍所以連熱pancake都咁快變暖？同埋點解無咩香味…甚至有少少微酸ge感覺？至於珍珠，的確煮得幾淋下，不過太淋無乜咬口…又係微涼ge狀態，係我一早預備食個熱pancake時但得到ge係呢個效果，加上唔係第一次食呢類pancake，有比較下我唔會encore王子神谷lor..可能雪糕相對來講唔錯ge，我坐係樓梯食個陣，見唔少人都係買雪糕食…p.s. 9月尾時仲係見到$48，昨晚見已經加價好似加到去$56，加幅都幾多下…但我前邊提及個兩間都仲平過佢又好食過佢呢…