岸久巿場 (Closed)

刺身四點分量都幾多，同埋都係大眾喜歡的刺身，有三文魚，帶子，赤蝦同埋油甘魚。三文魚的魚脂比例都算高，魚油香味十足。油甘魚都同樣肥美！赤蝦大大隻，啖啖肉！.岸久漁師沙律，有角切刺身混係沙律菜入面，感覺健康得黎又不失美味。沙律上佈滿櫻花蝦，蝦好脆口，加入沙律令整道沙律口感提升。.超吸晴的火焰野菜鍋，用清酒🍶用湯底，加入海鮮再點火慢煮，最喜歡魚頭，鮮味十足。野菜盤入面的青蔥卷平時好少食到。外面的腐皮吸收曬湯底的精華，入面的香蔥完全冇青味！.鰻魚上淋上的醬汁較為厚身，鮮甜入味，咸甜度平衡得好好，唔洗送飯都唔會過咸。鰻魚肉肥美嫩滑，入口即化。飯粒粒分明，蛋包飯再加上蛋香。