叉燒大王

Open Now

Now Closed

住左沙田幾十年都未食過，咁岩去開沙田圍就坐入去啦。去到7:30pm 不用等位。兩個人叫左三個餸。過左8:00pm 開始多人。第一樣：燒味併盆，可以試曬燒腩仔香脆叉燒真係無得頂，本人最怕肥淋淋叉燒但瘦得來佢好鬆軟，燒得好香，濃濃既玫瑰酒同麥芽糖。果然正！沒有令我失望！仲有海蜇同埋燒鴨一碟可以試晒四樣嘢配埋啤酒簡直係冇得頂呀！第二道菜：薯仔炒牛柳粒，薯仔炸完先至配埋牛柳再炒，鑊氣好夠好惹味！牛柳粒新鮮多汁，沒有雪味味和霉味。第三道餸：雲南火腿浸娃娃菜， 清清地火腿甘香，清新健康之選。住開沙田可以多D幫襯。佢地有做埋燒味飯盒外賣，三四十蚊食到一級靚叉燒！環境同酒樓無分別，絕對不似普通餐廳。坐位寬鬆，光線充足。