陳勤記鹵鵝飯店 (Closed)

幾十年老字號嘅陳勤記鹵鵝飯店，由2012年開始連續無間斷咁攞米芝蓮。今日特意前黎食其鹵鵝，一入去覺得古色古香，店入面掛左花燈，枱櫈都係木製，而牆上面掛咗一幅「鵝」字。小食係惹味鹹花生，脆卜卜。杏汁燉白肺湯 唔似平時飲到嘅白肺湯，並冇加入鮮奶，不過個湯好夠熱，有杏仁味。鹹菜胡椒燉豬肚湯胡椒好香好辣，鹹菜淋身，豬肚好爽。豉汁梅子蒸白鱔 係用新鮮嘅梅子剁碎成醬，梅子微微地酸，好開胃，白鱔好滑唔會有好多骨。鹵水鵝1/4下莊鵝脾都好大隻，鹵水唔會好鹹。絲苗白飯要叫白飯送上面嘅白鱔同埋鹵水鵝。