蓮香棧 (Closed)

阿媽生日🎂話想試新野，所以就同佢食蓮香棧。本身都有d期望，食完就有d失望。點左魚腸焗蛋、時菜炒魚唇和菜膽雞。魚腸焗蛋係懷舊菜，足料又唔鯹，絕對值得一試。時菜炒魚唇：從來未食過魚唇，唔知係咩黎，所以試下，食落似花膠，呢碟都ok。菜膽雞：最貴係隻雞，但最差都係隻雞。食落鞋口又唔嫩，都唔覺有雞味，勁失望。蕃薯🍠糖水係送既，好多蕃薯，亦好軟綿綿，不過就偏甜。最差係侍應，餐廳得幾枱人，但侍應叫極唔應，唔知係到做緊咩。埋單時叫佢擺低張單，我諗住慢慢睇，check 下張單。佢死都要拎住，唔肯放係枱。之後我簽卡，佢就肯放係枱俾我簽，我完全唔知佢咩心態。所以我下次一定唔會再黎食😒