清真牛肉館 (打鼓嶺道)

Open Now

Now Closed

話說次次經過都有一堆人排隊， 難得今日冇人排，機會黎喇！嗌左招牌牛肉餅，清真小籠包，咖喱牛腩，麻油雞。-牛肉餅 皮厚，除左爆汁外，冇特別之處。-小籠包 明明皮又唔係薄，未開始夾 已經見到穿左， 啲肉仲要幾咸。-咖喱牛腩真係不知所謂， 牛腩又韌，個咖喱係敗筆，零咖喱香， 只有一層厚厚既辣油， 成個咖喱只有死辣， 真係連茶餐廳都好食過佢。麻油雞， 雞係滑既...可惜唔入味，除左成口油就係得咸味。成餐最好食只有粒粒分明既白飯， 陰公。仲有個衛生真係睇唔到當乾淨， 外賣蓋跌左落地，照蓋番上去外賣上面， 冇眼睇... 真係可一不可再。