Video
Read full review
2024-03-29
213 views
網上睇過食評話呢間不錯，本身住喺附近，所以當晚同屋企人落街食飯經過，咁就不如入去試吓啦，本身冇預約， Walk in入去話可以食90分鐘，咁OK冇問題，入去時服務招呼不錯，茶水碗碟擺枱好好，但剛拿起菜單嘅時候，就已經開始催促我哋點菜，咁唯有快快手點住兩個菜先，但佢已經好似有啲唔開心就話淨係點兩個菜？跟住我話我點住先，之後我再點多兩個菜，合共點咗四個菜，分別係：滷水拼盤滷水鵝件蒜蓉蒸蟶皇潮州蠔餅滷水拼盤份量可以，每款有兩件至三件，當中都係有啲鵝腳頭尾或者鵝翼頭尾斬件。滷水鵝件就薄身骨多過肉，中間墊底芽菜就多，而且鵝肉仲好韌，好難咬開，同食評中人講嘅似乎有啲差距，唔知係唔係當晚人多呢？唔係熟客仔？所以被分薄咗？至於當中嘅蒜蓉蒸蟶皇係全晚最伏嘅一碟餸，收時價 $88 一隻，我哋一行三人所以叫咗三隻，上菜時見到嗰個聖子殼已經好細，之後只見到一大堆粉絲蒜蓉喺面，咁我撥開啲粉絲同蒜蓉後，終於搵到啲蟶子肉，啲蟶子肉大約殼嘅一半長度，而且好瘦，仲斷開一至兩截，真係未試過咁幼細嘅＂蟶子皇＂，食落口好靭，一啲都唔似係新鮮嘅，似係急凍嘅，又或者已經放咗雪櫃好耐，粉絲同蒜蓉得嗰個鹹味同埋少少苦味，總之呢碟嘢就
滷水拼盤
滷水鵝件
蒜蓉蒸蟶皇
潮州蠔餅
滷水拼盤份量可以，每款有兩件至三件，當中都係有啲鵝腳頭尾或者鵝翼頭尾斬件。
滷水鵝件就薄身骨多過肉，中間墊底芽菜就多，而且鵝肉仲好韌，好難咬開，同食評中人講嘅似乎有啲差距，唔知係唔係當晚人多呢？唔係熟客仔？所以被分薄咗？
至於當中嘅蒜蓉蒸蟶皇係全晚最伏嘅一碟餸，收時價 $88 一隻，我哋一行三人所以叫咗三隻，上菜時見到嗰個聖子殼已經好細，之後只見到一大堆粉絲蒜蓉喺面，咁我撥開啲粉絲同蒜蓉後，終於搵到啲蟶子肉，啲蟶子肉大約殼嘅一半長度，而且好瘦，仲斷開一至兩截，真係未試過咁幼細嘅＂蟶子皇＂，食落口好靭，一啲都唔似係新鮮嘅，似係急凍嘅，又或者已經放咗雪櫃好耐，粉絲同蒜蓉得嗰個鹹味同埋少少苦味，總之呢碟嘢就真係伏。
全場唯一最讚嘅就係潮州蠔餅，呢碟蠔餅啲蠔仔真係粒粒脹卜卜，蠔仔份量多，而且個脆漿炸得好好食，呢個就真係呢間嘅必食之選。
當晚潮州蠔餅係最遲嚟，仲要係等我哋食晒頭三碟餸之後，佢收晒碟都仲未嚟到，咁啲侍應可能覺得點解我哋仲未埋單？不停行嚟行去眼望望咁，直至到我哋碟潮州蠔餅嚟咗之後先至再冇望落去，我都知道門口有人等緊，所以一食完就已經即刻埋單走，點知等咗好耐張單都未埋到俾我，啲侍應已經唔耐煩叫我自己去收銀問一問，咁我唯有自己去收銀度問啦，啲收銀又話番我，叫我坐喺度等單過嚟，我咪嬲嬲地同佢講，張單已經埋咗好耐都未到，係啲侍應叫我過嚟問㗎，佢先死死地氣問返個侍應係邊張枱張單，跟住個收銀同我講話從來冇接過話呢張枱埋單，咁我唔理啦，麻煩你而家同我埋咗張單先，我想走啊，唔想再嚟喇！
Post
