熱沙咖啡

Open Now

Now Closed

呢間馬灣土耳其餐廳唔會有下次🙅🏾‍♂️堅伏🤢🤮本身諗住去米九十，點知店主突然有事無開鋪，唯有搵附近野食，見到間幾特別嘅土耳其餐廳於是入去試。店舖家庭式打理，入到去已有一大group人一臺食野，都非常熱鬧。食物種類唔算多，價錢亦都唔係親民。叫左個土耳其餃子，盛惠$175，而且唔係幾食到有肉碎。之後跟餐要加30蚊先有杯土耳其傳統熱沙咖啡。餐單上寫想試玩仲要加$80蚊，杯咖啡飲落唔太特別，飲到底係勁多咖啡渣🤮另外叫左個甜品拉絲小米餅配飲品 $158，個小米餅都堅有拉絲，咸咸地甜甜地都幾特別！不過食左幾啖有d溜口。整體黎講，店舖細小，性價比極低，食左兩三樣野食仲要連埋加一已經要$400。加上店員只專注班大客，又照顧佢地玩熱沙咖啡，又叫佢地玩民族衫。相反，可能我叫得唔多野食同唔夠貴，完全無理過我，甚至我離開店舖bye 都唔講聲。更重要係，除左餐具，差唔多所有器皿都係用即用即棄，極之唔環保♻️！如果想試好食土耳其菜，我深信出面同樣價錢有更好選擇。