點一龍 (海港城) (Closed)

因為我個朋友非常鍾意飲茶，於是乎我哋就喺海港城搵咗呢間茶樓，諗住試吓佢個放題，仲專登約咗星期五先嚟，因為我哋誤會咗，以為星期一至五先至有呢個$188放題，原來只係一至五有discount。佢個放題都有幾多嘢食，睇啲餐單，兩個人根本就唔會食得晒╮(￣▽￣"")╭之前喺OpenRice見到人哋話係高質放題，我~完全係充滿期待。一上場，佢哋就每人送一隻瑞士雞翼，普普通通囉甜甜地。再送多每人一隻燕窩蛋撻，凍嘅，唔吸引。跟住我哋試佢哋啲點心，第一輪都叫咗好多，有蝦餃、鳳爪、小籠包、奶黃流沙包同埋燒賣。蝦餃~啲蝦好似唔新鮮，一咬個皮，就有水流出嚟。鳳爪~雪藏味好重。小籠包~還算OK，不過佢啲肉好大陣薑味。燒賣~上面有一粒杞子癡喺度，好明顯係一啲外來嘅入貨，而唔係佢哋自家師傅整嘅。奶皇包~唯一可取就係依個奶皇包，熱辣辣，仲係流心。為咗要試吓佢哋係咪自家師傅做點心，於是乎我哋就嗌多咗一碟叉燒腸，春卷，牛肉，仲有叫咗碗楊枝甘露。叉燒腸~完全係垃圾，因為好明顯係翻叮出嚟，因為佢哋連隻碟都係熱㗎。春卷~都OK嘅，起碼佢係熱辣辣嘅at least。牛肉~普通質素冇乜特別可言。楊枝甘露~完全冇芒果味，得個凍字。