大利清湯腩 (Closed)

天后清風街個邊一路都有好多好野食，今次就試下電器道既大利清湯腩。佢同另一間清湯腩痴住一齊開，好多遊客都會特登黎食其中一間。作為香港人既我一間都未試過，所以想揀一間試下。見大利鋪門口貼左好多明星幫襯既相，今次就試下大利先喇！入到去就緊係嗌佢既招牌清湯腩河喇，抬頭一望大大隻字寫住唔飲湯是您的損失！講到咁 令我對佢既湯底更為期待！黎到即刻飲啖湯先，但係.. 咦....有咩特別..？湯底有啲淡，冇驚喜既感覺..只係覺得唔太重味精。再試下牛腩 唔會柴，河粉亦都夠滑，整體合格。只怪我本身對佢期望太高了吧⋯