Video
Read full review
2022-03-17
312 views
🥑開心果芝麻麻糬🥑$287/10【短期內唔會再食】第一啖入口係食到開心果忌廉先，開心果係超級濃味，喺口腔入邊爆開🤯但食到黑芝麻嘅部份反而冇咁突出（黑芝麻控大失望）我見到有其他人話覺得黑芝麻味太出，但係我自己覺得調返轉，成個泡芙嘅主調係開心果🥜雖然兩者都係一啲好突出嘅味道，但其實食落唔係好夾😢雖然都好食，但係又覺得兩個味分開會比較好，所以有得揀應該會試佢其中一款剩係得日本黑芝麻嘅泡芙（但有得揀先再算啦🤣）又或係傳統啲嘅芝麻配花生之類應該會好食啲…食甜品嘅就梗係希望食啲甜嘢啦，但係佢唔夠甜，雖然原材料嘅味道好出🥲就連麻薯都係，雖然係好煙靭，一啲奶香/椰香都冇😭麻糬加泡芙一齊食係有啲新奇，但又冇話真係好夾，再加上冇乜味就覺得比較單調啦🪧去到泡芙皮嘅部份，同樣我都覺得麻麻哋，雖然係頗脆嘅，但唔係鬆脆嘅嗰種，一啲牛油香都冇🧈同我旺角站某大型連鎖泡芙分店啱啱相反，食落要卜卜脆又夠香，我就覺得比較好食嘅🤭整體嚟講，食完之後同我想像中好大出入，因為佢係好輕嘅忌廉，食完之後冇乜實感，雖然味道好出，但係依甜品來講我會寧願食一啲肥膩得來又有實感嘅，依家食完之後嘅覺得好膩但明明淨係食咗一堆空氣咁🥲整體7/10
7/10
【短期內唔會再食】
第一啖入口係食到開心果忌廉先，開心果係超級濃味，喺口腔入邊爆開🤯但食到黑芝麻嘅部份反而冇咁突出（黑芝麻控大失望）我見到有其他人話覺得黑芝麻味太出，但係我自己覺得調返轉，成個泡芙嘅主調係開心果🥜雖然兩者都係一啲好突出嘅味道，但其實食落唔係好夾😢雖然都好食，但係又覺得兩個味分開會比較好，所以有得揀應該會試佢其中一款剩係得日本黑芝麻嘅泡芙（但有得揀先再算啦🤣）又或係傳統啲嘅芝麻配花生之類應該會好食啲…
食甜品嘅就梗係希望食啲甜嘢啦，但係佢唔夠甜，雖然原材料嘅味道好出🥲就連麻薯都係，雖然係好煙靭，一啲奶香/椰香都冇😭麻糬加泡芙一齊食係有啲新奇，但又冇話真係好夾，再加上冇乜味就覺得比較單調啦🪧
去到泡芙皮嘅部份，同樣我都覺得麻麻哋，雖然係頗脆嘅，但唔係鬆脆嘅嗰種，一啲牛油香都冇🧈同我旺角站某大型連鎖泡芙分店啱啱相反，食落要卜卜脆又夠香，我就覺得比較好食嘅🤭
整體嚟講，食完之後同我想像中好大出入，因為佢係好輕嘅忌廉，食完之後冇乜實感，雖然味道好出，但係依甜品來講我會寧願食一啲肥膩得來又有實感嘅，依家食完之後嘅覺得好膩但明明淨係食咗一堆空氣咁🥲
開心果芝麻麻糬
$28
11 views
0 likes
0 comments
整體7/10
1️⃣梗係好失望啦，因為我期望太高啦，咁出名又咁紅，以為都起碼係8.5分以上嘅味道💮
2️⃣如果要講嘅話，佢係真係真材實料嘅，用料好足，而且佢咁多材料嘅情況下都係$28 ，我覺得都幾抵嘅（如果唔計時間成本嘅話）
3️⃣但時間成本太太太高，首先唔係住嗰頭嘅，應該都要特登搭車過去（係唔可以順便的，因為佢地唔係每日開，開嘅話又淨係開一個或兩個時段）☝️然後要預早15分鐘開始排先會有得揀味（再後啲就可能俾人買清光）✌️最後仲要每日得四隻味，要食到你想食嘅味，可能一個月先出現兩日👌
4️⃣我今次星期五13:15早15分鐘排第一，1分鐘之後已經有人喺我後面， 15分鐘之後已經有大概15-20個人一齊吹住風咁排🌬辛苦晒😮💨
5️⃣地理位置唔方便、時間成本高，就算係因為我揀錯味所以先食到麻麻地嘅泡芙，我短期之內都唔會再去啦😷好似連鎖嘅仲好食… 不過連鎖嘅就唔係黃店😕
6️⃣我諗佢嘅熱潮可以持續咁耐係有佢嘅原因，而且係勁少負皮，所以我都仲係會推薦俾一啲鍾意食忌廉嘅人，但如果唔係嘅話，我就會覺得你未必覺得值啦😛（利申翻，我係唔鍾意食忌廉嘅人，但7分係已經撇除咗呢個因素，自己本身應該得6分 so sorry🥲）
Post
