Pici

Open Now

Now Closed

呢間餐廳呼聲好高，基本上冇聽過去食嘅人話唔好食，甚至連一般黎形容都冇。多數朋友都話抵食，份量大，以呢個價錢食到呢啲野好抵。小編實在好期待會係點。點知試左之後真係好失望😅侍應介紹$290嘅tasting menu，但我地想散叫。呢個肉丸係自家製，好食。啲肉偏瘦，唔多肥膏，調味亦唔會太濃。但敗筆在於個番茄醬度 真係咸到一個形容唔到嘅地步，簡直可以話係破壞味蕾。呢個parma ham令小編有啲o咀，因為佢就咁齋上，咩伴碟都冇😅 我地惟有用餐麵包黎餸質素一般，唔太咸又冇咩味咁，薄薄地一大片咁，十足係歐洲超市一兩歐都買到嗰啲😂呢個芝士雲吞實在又係咸到形容唔到，真係唔知廚房咩事個松露意粉算係正常少少，個意粉彈牙同好實淨，個汁終於都唔會過咸。但感覺唔值呢個價。全餐最好食應該係呢個千層麵。個面好脆好香，入面啲肉同粉嘅比例好好。成個麵都好香口，啲肉醬唔咸，好味。Tiramisu 都好食，唔會太厚同溜，又唔會太甜。仲有個救左我地個parma ham嘅餐包，唔太特別，亦都唔熱。侍應服務一般，呢度雖然話就話唔洗加一，但佢啲定價唔係太平，亦唔覺得有啲朋友講到咁抵食。