靚靚 不一樣的車仔麵

Open Now

Now Closed

途經尖東，有機會試下呢間都稍為有名氣嘅車仔麵。 下午茶時間雖然唔滿座，但都好有人氣。下午茶套餐都幾抵食，但係嚟到點都要試下車仔麵加招牌推介。 叫左個三餸油麵，九轉茄子同通菜。油麵同魚皮餃係一般貨色，街市買到自己煮果種。紅腸又厚又薄，厚果舊係頭位，有6cm咁厚。雞翼陣雪味令我完全食唔落口。腩汁湯同清湯無分別，所以成碗麵係無味嘅！滿心期待嘅九轉茄子肉都係空歡喜一場，茄子老，汁嘅味道同平時煎釀三宝嘅甜豉油完全無分別。整體而言，名過其實，餐牌嘅描述會令人有所期待，但食物方面真係有好大嘅進步空間。