Video
Read full review
2016-06-24
676 views
之前係fb見到呢間餐廳有好多好評，朋友都食過，母親節都未卜餐廳食飯既我地，見到佢fb話“母親節我地仲有好多位”，就即刻打去卜位，點知咁就係惡夢既開始..😨我地揸車去，去到有代客泊車，放低架車入去坐低後，就有個著便服既女士要求我地立即叫餐（唔係因為我地肚餓，係因為限時90分鐘），咁都算，叫齊野，食左十幾樣餸都仲未有野飲，我都明白節日可能忙啲（但間餐廳係冇乜客），但野飲送到既時候我地差唔多已經食左45分鐘，真係等得太耐啦。講返啲野食，其實唔係好好食，菜又黃又咸，我地叫左條明爐烏頭，條魚好“梅”，唔係覺得用爐上就可以俾啲咁差質素既魚以為我地食唔出嘛？！食食下仲聽到有個貌似高級啲既啊姨叫啲侍應：攞客人食完菠蘿飯既菠蘿去洗好彩我地冇叫...最過份既係：叫乜冇乜上次朋友係度食過印度咖喱同手抓餅，覺得幾好食，我地今次一早都諗住叫，點知話個爐拆左，冇印度野食。我地諗住出去海鮮區叫海鮮食，點知又話冇，我地問點解，佢地話食環署唔批，所以要拆，但佢地今日只得一張紙既menu，冇乜野食，又比平時貴三四十蚊一個餸，咁我地諗住叫甜品，點知冇哂我地想食既千層糕同椰汁糕，得芒果糯米飯， 我地照殺，點知個飯中間係又硬又
我地揸車去，去到有代客泊車，放低架車入去坐低後，就有個著便服既女士要求我地立即叫餐（唔係因為我地肚餓，係因為限時90分鐘），咁都算，叫齊野，食左十幾樣餸都仲未有野飲，我都明白節日可能忙啲（但間餐廳係冇乜客），但野飲送到既時候我地差唔多已經食左45分鐘，真係等得太耐啦。
講返啲野食，其實唔係好好食，菜又黃又咸，我地叫左條明爐烏頭，條魚好“梅”，唔係覺得用爐上就可以俾啲咁差質素既魚以為我地食唔出嘛？！食食下仲聽到有個貌似高級啲既啊姨叫啲侍應：攞客人食完菠蘿飯既菠蘿去洗好彩我地冇叫...
最過份既係：叫乜冇乜
上次朋友係度食過印度咖喱同手抓餅，覺得幾好食，我地今次一早都諗住叫，點知話個爐拆左，冇印度野食。我地諗住出去海鮮區叫海鮮食，點知又話冇，我地問點解，佢地話食環署唔批，所以要拆，但佢地今日只得一張紙既menu，冇乜野食，又比平時貴三四十蚊一個餸，咁我地諗住叫甜品，點知冇哂我地想食既千層糕同椰汁糕，得芒果糯米飯， 我地照殺，點知個飯中間係又硬又凍（未解凍完？！），呢個時候我地搵返嗰個著便服既女人同佢投訴（應該係pr），點知佢搵左個員工黎hea我地，個員工都有講唔好意思，但個pr話我地夠鐘交枱，仲問我地食完未，佢跟手就搵人幫我地清左張枱，好似想趕我地走咁，但個時其實仲有15分鐘先夠鐘，不過算喇母親節費時同佢嘈
總結，唔怪之得節日都仲有位可以卜，原來野食又唔得服務態度又差最過份係，我地上網見到啲相好靚，點知事實上係又殘又舊，好多地方已經老化（好似開左七年？），又多飛蟻同昆蟲，一開始個張枱仲有好多螞蟻添，我地仲係廁所門口見到兩隻好大隻既老鼠，我地坐室外，熱到流哂汗咁食飯，真係有“泰國風情”我深深明白到，呢間餐廳既宣傳真係做得好好，原來fb既like係用餐廳既甜品黎交換，不過幾好既宣傳都冇用，野食唔得已經係一大死因，講真，係香港，靚既餐廳都有好多，同一個集團喺元朗既泰屋已經好佢十倍；好食既泰菜更加多不勝數，mango tree同埋天水圍新開個間都好食過佢
我地就唔會再去，在此逢勸咁多位想去既朋友，真係要諗清楚先，尤其是一家大細，我都未試過食過一間餐廳係食到咁背脊骨落，仲要受佢氣，真係差到我要寫食評，之後見到有人係食在元朗既post寫佢，我先知自己唔係第一個中伏
Post