黃明記粥粉麵家 (Moved) New Location

下午走去九龍寨城嗰邊行下買嘢，跟住行到去嗰頭有啲肚餓就走去黃明記試下。 之前都煲過下話佢嘅墨魚丸好食，咁我就畀40幾蚊就試咗個四寶丸。有魚皮餃，豬肉丸，墨魚丸， 魚蛋。魚蛋，完全冇特別，唔係特別好食。豬肉丸，ok啦，又冇話特別香。墨魚丸，確係好食嘅，有一啲芹菜定唔知茜芫或蔥。同埋有馬蹄定唔知沙角嘅嘢， 食落好爽。所以都賣得好貴，一斤要140蚊 。重點我想講 魚皮餃完全唔掂! 同埋係未熟囉!個皮整到勁厚，我食咗一半就跟住吐咗出嚟。另外嗰粒，個皮一咬開都係未熟，好厚同埋唔係透明嗰啲。睇得出塊皮仲係白色㗎!嗰粒肉係梅咗㗎。我食咗少少跟住都冇食啦 。完全係垃圾!!!收枱嗰陣我同阿姐講我話個魚皮餃好難食。佢： 係呀？ 我：你睇嗰個皮，完全唔熟嘅!佢唔出聲 ， 走左。個湯我覺得好油 ，你可以見到啲油係成尺咁厚浮喺面。呢間嘢我唔會再食，本身我有諗過買半斤墨魚丸走。但計返半斤都要70蚊，半磅真係太貴。我喺牛池灣街市有一檔都好好食 ，賣35蚊一磅 。 我自己覺得好食嘅，都唔需要買得咁貴，咪又係墨魚丸。