Video
Read full review
2022-09-25
609 views
又貴又唔好食，個招牌芝麻雞$188/半隻，外皮沾滿白芝麻拎去炸，再比碟芝麻醬你點，完全唔明白點樣可以收呢個價。個皇牌椒鹽軟殼蟹$128，乾爭爭，淨係得個鹹字，數埋唔知有無3隻蟹，我夠膽話元氣都整得好食過佢。薑蔥蠔煲$178，啲蠔上晒粉去炸，根本就好普通，數埋得6定7隻蠔，去海悅廣場間囍宴食好過，又平啲又好食啲，起碼啲粉無咁多先啦。最後個黑松靈墨魚餅係幾好食嘅，$148/6件，一支藍妹都要$35，埋單先知無得碌卡，得咩支付寶、微信支付同八達通，但樣樣菜式都3位數，好彩八達通消費券未搣完啫。總結，直升機店，對象應該係區外慕名而來人士，同豪華餅家一樣，街坊自己睇路。補充，間食店好細，冷氣又唔夠，見啲姐姐係咁捧餐出去，應該有隔離或樓上偏廳。衛生方面：普通茶記嗰啲情況，無乜特別。服務方面：招呼就無乜，因為太忙，又送餐出去，又執外賣，又多人入嚟要安排座位等等，但整體態度唔算太差，但亦絕稱不上親切，例如無得碌卡，老板娘都只係神情冷漠咁望住我，話晒得2個人都食咗$700+，酒樓都會講多謝晒，呢度係無嘅，我諗張單唔夠大，同佢哋真係太忙，宣傳太成功啦。
個皇牌椒鹽軟殼蟹$128，乾爭爭，淨係得個鹹字，數埋唔知有無3隻蟹，我夠膽話元氣都整得好食過佢。
薑蔥蠔煲$178，啲蠔上晒粉去炸，根本就好普通，數埋得6定7隻蠔，去海悅廣場間囍宴食好過，又平啲又好食啲，起碼啲粉無咁多先啦。
最後個黑松靈墨魚餅係幾好食嘅，$148/6件，一支藍妹都要$35，埋單先知無得碌卡，得咩支付寶、微信支付同八達通，但樣樣菜式都3位數，好彩八達通消費券未搣完啫。
總結，直升機店，對象應該係區外慕名而來人士，同豪華餅家一樣，街坊自己睇路。
補充，間食店好細，冷氣又唔夠，見啲姐姐係咁捧餐出去，應該有隔離或樓上偏廳。
衛生方面：普通茶記嗰啲情況，無乜特別。
服務方面：招呼就無乜，因為太忙，又送餐出去，又執外賣，又多人入嚟要安排座位等等，但整體態度唔算太差，但亦絕稱不上親切，例如無得碌卡，老板娘都只係神情冷漠咁望住我，話晒得2個人都食咗$700+，酒樓都會講多謝晒，呢度係無嘅，我諗張單唔夠大，同佢哋真係太忙，宣傳太成功啦。
Post