Video
Read full review
2012-02-14
36 views
之前見勁多人係Openrice推薦呢間野, 心諗一定好好食, 係七日前就book定位同內人同內人既朋友一齊食飯, 點知係個極之錯既決定首先, 一去到就見到好多人排隊 (起碼廿個人!) (Openrice效應真係好勁!)我就以為自己book左位好叻啦, 我book 8點 我7點10去到同門口個講''鄧腳''英文既印度人confirm左booking之後, 佢話要我等15分鐘, 我都話ok。但等了又等, 等了又等, 結果我等到8點半(等左40分鍾), 佢都仲叫我等多15分鐘!大佬呀, 我book左位嫁, 點解我仲又等咁耐呀! 結果我等到九點零五分, 足足等左75分鐘, 成個幾鐘囉 (但我book左位囉)好啦, 入到去, 環境麻麻地, 有點太暗, 而且好迫, 我同隔離個麻甩一路都手臂貼住手臂-,-急不及待之下叫左幾個餸但係都失望而回:呢個係每台都會送既薄餅, 印度餐廳必備, 但佢竟然唔比薄荷醬我要我開到口仲要三崔四請咁先拎碟薄荷醬我,講返餅身, 一般以下水準, 放得耐左, 有點"林", 反而個薄荷醬ok (不過個餅唔得個醬幾好食都冇無-,-)本人是羊狂, 無羊不歡, 所以內人等登提議叫呢個
係七日前就book定位同內人同內人既朋友一齊食飯,
點知係個極之錯既決定
首先, 一去到就見到好多人排隊 (起碼廿個人!) (Openrice效應真係好勁!)
我就以為自己book左位好叻啦,
我book 8點 我7點10去到
同門口個講''鄧腳''英文既印度人confirm左booking之後, 佢話要我等15分鐘, 我都話ok。
但等了又等, 等了又等, 結果我等到8點半(等左40分鍾), 佢都仲叫我等多15分鐘!
大佬呀, 我book左位嫁, 點解我仲又等咁耐呀!
結果我等到九點零五分, 足足等左75分鐘, 成個幾鐘囉 (但我book左位囉)
好啦, 入到去, 環境麻麻地, 有點太暗, 而且好迫, 我同隔離個麻甩一路都手臂貼住手臂-,-
急不及待之下叫左幾個餸但係都失望而回:
呢個係每台都會送既薄餅, 印度餐廳必備, 但佢竟然唔比薄荷醬我要我開到口仲要三崔四請咁先拎碟薄荷醬我,
講返餅身, 一般以下水準, 放得耐左, 有點"林", 反而個薄荷醬ok (不過個餅唔得個醬幾好食都冇無-,-)
本人是羊狂, 無羊不歡, 所以內人等登提議叫呢個 (多謝內人 )但結果黎到, 香料味幾重, 羊身偏肥但唔夠羶, 而且都係個句: 好似有點唔夠熱!
食羊真係好忌唔夠熱!!! 一凍就真係好難食, 對我呢重食羊食到成狂既人黎講, 唔合格
就連冇咩所謂既內人都話好麻麻..
烤餅到既時候都還有點期待但好快就勁失望凍既 (暖都稱唔上) 我都仲可以理解, 但乾身同硬身到石頭咁又點計先-,-
好啦, 點咖哩食, 但都因為太乾身而直接放棄, 真係乾到呢, 我咬樹皮唔好?
羊咖喱 (又係羊, 真係多謝我內人 ), 作為印度餐廳我諗咖哩好食應該算係好基本...而呢間既咖哩就真係非常之咁一般, 羊都幾老, 咖哩唔算辣, 略為太淡。
作為最基本印度餐既黃飯, 又係好普通。唔知點解會有點太油膩既感覺, 而且飯粒好散, 比一般印度餐廳仲差-,-
成餐惟一ok既芒果奶酪....內人話夠酸, 但我食完咁多咁失望既野食之後, 都已經冇乜感覺-,-總括而言, 食物一般偏差, 服務差, 價錢唔抵(根本唔值..), 以後唔會再黎, 都會叫同學同朋友唔好黎受難。
有時都真係覺得Openrice有好多好誤導既食評, 可能係太多人去所以水準下降,
但如果師傅好既又唔會一下子做到咁差, 所以真係諗唔明點解有咁多人話好食。
下次食印度野我都係同內人去反北角電器道街市既烤爐印度餐廳,
個度又平服務又好, 最緊要係好食同唔洗受氣! (本人有為烤爐印度餐廳寫食評, 大家不妨睇下!)
Post
