Video
Read full review
2016-07-18
2799 views
成日想搵間正宗韓國烤肉食，韓文老師推介呢間，但可能期望愈大，失望愈大啦。完全無想像中咁好味，只係好普通、好普通的烤肉，更加莫講呢個價錢，感覺唔值，可以有更好選擇。打去訂位，起初話full到9點先有位，後來有人cancel booking，所以可以8點入座。不過眼見都唔係好full，只係得六成入座。一入到去餐廳，好大煙，空氣唔太流通，好焗。餐廳安排左我地坐雪櫃側邊果2個位，其實好熱，爐都未開，已經出哂汗，加上雪櫃散發的熱力，真係坐得好唔舒服。經理仲要用一隻手指指住個位：「坐呢度！」其實對客人不用呼喝，這不是指令，反而用手掌示意方向會禮貌一點，始終這間韓燒店不是走低檔路線，應注意一下對客人的態度。好啦，同個經理講想調位，佢又好似好唔願意，話到到都一樣，話我地附近部冷氣熄左，剛開番。我地話想坐出少少，經理話果張抬大點，可以坐6個人，但其實都係同樣只係放左4張椅子，分別又何在呢？咁難得約到出黎食飯，都想坐得好d，食得舒服點。攪到我地好似再三挨佢咁，講左勁多句唔該，先同我地換另一張抬。點知後來發現原本想坐果張抬，都係得2個人坐，唔明點解當初唔換俾我地。我明當時餐廳可能要預留之後入座突然黎6個人咁
打去訂位，起初話full到9點先有位，後來有人cancel booking，所以可以8點入座。不過眼見都唔係好full，只係得六成入座。
一入到去餐廳，好大煙，空氣唔太流通，好焗。餐廳安排左我地坐雪櫃側邊果2個位，其實好熱，爐都未開，已經出哂汗，加上雪櫃散發的熱力，真係坐得好唔舒服。經理仲要用一隻手指指住個位：「坐呢度！」其實對客人不用呼喝，這不是指令，反而用手掌示意方向會禮貌一點，始終這間韓燒店不是走低檔路線，應注意一下對客人的態度。
好啦，同個經理講想調位，佢又好似好唔願意，話到到都一樣，話我地附近部冷氣熄左，剛開番。我地話想坐出少少，經理話果張抬大點，可以坐6個人，但其實都係同樣只係放左4張椅子，分別又何在呢？
咁難得約到出黎食飯，都想坐得好d，食得舒服點。攪到我地好似再三挨佢咁，講左勁多句唔該，先同我地換另一張抬。點知後來發現原本想坐果張抬，都係得2個人坐，唔明點解當初唔換俾我地。
我明當時餐廳可能要預留之後入座突然黎6個人咁，但果度真係同樣得4張椅子，同埋當時入座率根本唔太高，有一半場都係空左。而家客人禮貌地提出要求，唔明點解講足三、四次都唔俾轉。
後來，轉左張新抬，舒服好多，冷氣吹正，對正睇電視位。經理後來走過黎，都係話其實無分別。好囉，咁個客當下的感覺，應該不能作準，係咪咁解？難道要客人認錯？
轉轉下位，同個經理再來回要求佢轉抬又唔肯，攪呢攪路，明明8點黎到，攪到成9點先有得食，起初book 8點就係想早點食⋯⋯
叫左個2人餐（$388），揀左牛腩肉+五花腩+海鮮蔥餅
有好多配菜，應該係紅蔥頭，洋蔥絲，同不同味粉。爐兩旁的配菜都好好味，配埋甜菠蘿、泡菜、蘑菇、仲有個洋蔥包住雞蛋，係幾有韓國風味。
五花腩，偏肥，味道一般，太多脂肪太多油，好似滿口食緊舊膏的感覺
牛腩肉，味道一般，質感普通，不算嫩滑，只是很普通的烤肉，脂肪分佈不勻，不算出色甚至有點像某某平民日本茶餐廳的下午茶牛肉飯中的牛肉，而且份量不算多，根本不值這個價錢
反而配菜比主菜更有驚喜
海鮮蔥餅係成道菜最好味的，好足料，而且配上蔥，好夠味又煎得香脆可口！
韓國侍應態度較殷勤，微笑住咁幫你烤肉
韓國人果然比香港人待客之道更友善，工作時很有禮貌
很樂意為你解問題，甚至問佢背景音樂播緊首歌叫咩名，都專登停低幫我搵
好好笑，佢地會拎個類似探熱器的工具，去試下個爐夠器夠熱
$388，再加一
定價偏高，烤肉食物質素一般，甚至可算是偏下，一點也不值這個價錢
只得煎位較為合符水準
尖沙咀應該有更多更好選擇
經理態度有待改善，好彩佢記得問番我地洗唔洗落單煮炒飯，會跟進也很好
優點是有不少韓國人黎食，感覺置身韓國
係韓國侍應值得一讚
食一次就夠
Post
