Zuma Hong Kong

Open Now

Now Closed

zuma係英國進駐嘅fusion日本料理，係倫敦既時候我已經食過，諗住香港既水準都keep到所以黎試下。呢度裝修佈置好特別，用左好多落地玻璃，樓底好高，但就好嘈，話佢係高級餐廳又唔係，似係比人飲酒談歡多啲，仲要大部份人都係鬼佬多。聽好多人講都話要試佢地嘅刺身，今次我點左兩個都係tartar，刺身牛同幾款唔同既壽司卷物等..先試呢個salmon tartar配上魚子醬，下面有醬油浸住，加d檸檬汁上去撈埋黎食好好味，真係好新鮮..跟住到otoro同salmon既tartar combo，上面都係有魚子醬再加d蔥粒，淨係睇賣相都一流，油脂分佈均勻，放係炸蓮藕片一齊食好正，比上面既更加滑同口感黏啲..到呢個松露片配刺身和牛，包埋d青瓜口感好清新，但醬料好普通，尚待改善。其他壽司卷物好一般，不值一提。感覺呢一間係名過於實，雖然食得出用料上乘，但因為價錢太貴而且唔值所以唔推薦，不過同客食飯都係唔錯既選擇但一定唔會自己黎，想食正宗既日本料理更加唔會揀呢間。值得一讚既係呢度既服務，都算幾專業嘅，每上一道菜都會為我地講解。