屋子生活 (Closed)

趁住過晒聖誕假期，專登晌老遠嘅新界西搭屯馬線嚟到另一邊嘅總站試呢間想嚟好耐嘅cafe，帶位嘅女職員態度麻麻都算，我地兩個人嚟，一開口就話得番張要同人共用嘅8人大檯，但明明嗰時塔塔米嗰邊仲有好多張檯未有人坐兼冇reserved 嘅牌 🤔，不過我地冇同佢爭辯（因為佢好唔願意咁帶咗我地入去之後就瞬間消失咗），我地分別點咗鰻魚茶漬飯🍚🍵同炸雞飯🍗，啲嘢食都算快就送上，賣相都唔太差，只係茶漬飯嘅湯晌上菜前已經一早倒晒落碗飯度...😓，日式餐廳居然唔係用日本米，唔緊要啦，照食啦！個湯味道ok嘅，不過因為啲飯煮嘅時候已經落咗太多水，再加埋啲湯浸住，軟到好似潮州粥咁；兩件鰻魚，一件早就俾啲湯浸到啲皮發脹晒，另一件放飯頂冇俾湯浸過，諗住都冇所謂啦，點知兩反而放飯面嗰件鰻魚塊皮仲厚同仲腍，唉！成碗飯我食咗¼都冇；另外嗰碟炸雞都算ok嘅...雖然都見隔離位嗰位爸爸食淨晒 😅