頹飯 (Closed)

頹飯黎講，以前係大學都食得多，諗起大學既頹飯真係好頹，一隻蛋加牛餐肉加d白飯已經係一餐，無計啦做學生邊有咁多錢。出到黎返工，今日真係太忙無時間出去食飯，係公司樓下見到呢間排晒隊既「頹飯」，即刻將大學時期d畫面湧現晒出黎，一定要試下佢係咪真係頹。見到餐牌lunch可以食既外賣有4－5款，大部份都係一種肉扒加飯，我叫咗佢地既招牌薄牛肉飯加凍檸茶。個飯去到公司仲係熱辣辣，試下d薄牛肉先，嘩淋上燒汁之後非常之香，食落好有牛味，唔怪得叫招牌，薄薄地既燒汁牛肉配埋沾上小小燒汁既白飯一口一口咁食，真係頂瓜瓜。飲埋大大杯既凍檸茶，我決定以後唔帶飯落去呢間鋪頭買頹飯，貫切一頹到底既作風！