蘭芳園

Open Now

Now Closed

第一次去鼎鼎大名既蘭芳園，梗係要試下佢碗皆知巷聞既蔥油雞扒撈丁($53)。上枱時，我望住碗麵，呆左兩秒...呢塊齋睇已經覺得乾既雞扒竟然係出自呢間老牌茶記？雞扒似係一早炸定，唔新鮮唔熱，炸到過晒火，雞皮乾到一啲油脂到無，雞肉更加唔好指望有肉汁😥公仔麵又唔係煮得好食，雖然未至於煮到好淋，但完全唔係爽滑彈牙，撈埋啲普通到極既蔥油... 呢碗麵何來值五十大元啊？隨便一間茶記都好食過佢😫 不過， 呢到既服務反而幾有驚喜，侍應姐姐好有禮貌，主動介紹食物外，又會主動問我杯凍奶茶需唔需要少甜，同一般老牌餐廳，恃住自己生意好 而對客擺款 唔憂做既心態有強烈對比。