春芳號 (裕民坊YM²)

Open Now

Now Closed

細食嘅我，係觀塘放lunch嘅時候最鍾意去觀塘裕民坊商場嘅春芳號度，食少少嘢。特別係佢一杯飲品之後，可以加$20加配一個吐司，對於細食嘅女仔嚟講真係啱啱好。而且飲品嘅選擇都多，除咗一般嘅珍珠奶茶之外，仲會有紫薯奶茶，地瓜奶茶同埋豆花奶茶。鍾意食豆腐花嘅我，就最適合嗌一杯豆花奶茶啦！而佢嘅吐司份量份量都足夠，我叫咗個紫薯肉鬆吐司中間有肉鬆好多，如果想食肉嘅話亦都可以叫一個火腿芝士吐司，兩個味道都唔錯。但要留意一點嘅係，佢珍珠要喺12:30先有，所以放lunch去食嘅話，就未必食得到珍珠。