Video
Read full review
2017-03-14
342 views
身為九龍人，故然晌九龍搵食多，而港島區，除中環、灣仔、銅鑼灣之外，天后夾大坑算喺嚟得較多嘅區域，尤其後者，因為都幾鍾意依片小區，日頭嚟閒逛好有種寧靜嘅舒適感。今晚同朋友嚟到新開無耐以Steakhouse定位嘅Bovini，目的只有一個，大嘆羊架。其實大坑都好方便，從天后站行過嚟都哋十分鐘左右，況且，Bovini位處銅鑼灣道近街口，唔使入到咁深，離地鐵行幾步就到。餐廳地方唔大，屬小店形式，撞啱仲有批客訂咗一枱十幾人，擠滿成個場，夠晒熱鬧，幽暗嘅燈光，倍添氣氛。侍應話佢哋仲喺試業關係，好多嘢仲調整緊，所以，餐牌都會不時有改動，更話如有咩意見不妨提出。細閱一轉餐牌，一面喺散點菜式，另一面喺套餐，不過，暫時只推出二人套餐（分$699、$799、$1,099三個價位）。香蒜法包落好單，先嚟份麵包籃過吓口癮，一大個成個農夫包咁，問店員要啲牛油或橄欖油之類，佢話唔需要，因為個包喺香蒜法包。一大開，香蒜味湧出，熱辣辣，外皮好香脆，包心好綿密，充滿蒜香。既然為羊扒而來，咁就梗喺揀$799包咗一份主菜嘅Deluxe Dinner Set啦，包兩客頭盤、兩客餐湯、一客主菜連伴菜，咪以為得一客主菜會唔夠食，其
其實大坑都好方便，從天后站行過嚟都哋十分鐘左右，況且，Bovini位處銅鑼灣道近街口，唔使入到咁深，離地鐵行幾步就到。餐廳地方唔大，屬小店形式，撞啱仲有批客訂咗一枱十幾人，擠滿成個場，夠晒熱鬧，幽暗嘅燈光，倍添氣氛。
侍應話佢哋仲喺試業關係，好多嘢仲調整緊，所以，餐牌都會不時有改動，更話如有咩意見不妨提出。細閱一轉餐牌，一面喺散點菜式，另一面喺套餐，不過，暫時只推出二人套餐（分$699、$799、$1,099三個價位）。
香蒜法包落好單，先嚟份麵包籃過吓口癮，一大個成個農夫包咁，問店員要啲牛油或橄欖油之類，佢話唔需要，因為個包喺香蒜法包。一大開，香蒜味湧出，熱辣辣，外皮好香脆，包心好綿密，充滿蒜香。
既然為羊扒而來，咁就梗喺揀$799包咗一份主菜嘅Deluxe Dinner Set啦，包兩客頭盤、兩客餐湯、一客主菜連伴菜，咪以為得一客主菜會唔夠食，其實份量唔嘢少。先睇睇兩客頭盤有啲乜！
Classic Caesar Salad雖然話喺經典，不過就重新演繹，凱撒沙律嘅幾款基本食材都包含其中，羅馬生菜、煙肉、烘包、巴馬臣……但就分途出擊。除生菜撈勻醬汁外，剛才所提嘅食材都可以相互配搭，其實，剔透嘅玻璃碗內，沙律都有放少少煙肉碎及麵包粒，表現番常見嘅凱撒沙律模樣。想講多少少，片煙肉炸得超香脆，卻一啲都唔油，我都喺就咁當薯片淨食。
Home-Made Crab Cake with Tartar Sauce之前講佢份量唔嘢少唔喺得個講字，另一道頭盤自家製蟹餅，大到成件扒咁，非常重型。落刀已感受到外層脆卜卜，咬落甘香唔油，而啖啖都食到絲絲蟹肉，絕無欺場，蟹肉嗒到當中鮮甜味，貨真價實。
Home-Made Crab Cake with Tartar Sauce
12 views
0 likes
0 comments
仲喺怕少少油膩或熱氣嘅話，大可沾他他醬拌埋食，不過，小弟仲有個DIY建議，將啲香蒜法包加上蟹肉、他他醬，包你食落覺得滋味無窮。
餐湯有兩款：野菌湯及龍蝦湯，我估個個客都會試晒兩款，甚少人只試其中一款。
Wild Mushroom Soup野菌味好突出，質感順滑，稀杰度啱唔好，似乎喺刻意打到仲有多幼細菌粒，所以，有點咬口感。而且，碗湯夠熱辣又大碗，真喺非常好飲，都咪講笑，飲完都幾有飽肚感。
Wild Mushroom Soup
14 views
0 likes
0 comments
近排與龍蝦湯都幾有緣，仲要次次都做得好飲，今晚晌度飲嘅一樣好掂，上枱已聞到蝦香。因為朋友揀試龍蝦湯，所以，小弟只試幾口，但已經飲得出蝦鮮味超濃郁，口感柔滑得緊要。
Lobster Bisque
14 views
0 likes
0 comments
Roasted Whole Lamb Rack賣相唔多花巧，主要都喺配啲脆薯角，插支露絲瑪莉，但可以用震撼嚟形容，因為兩大件羊架真喺堅大件，估計夾埋都成磅重。汁醬嘅選擇有胡椒粟米汁、燒汁及荷蘭汁，原意喺想試荷蘭汁，因為除食賓尼廸蛋外，真喺未試過食扒嚟配佢，可惜，今晚無供應，當然有少少失望，唯有改配穩膽嘅燒汁。
Roasted Whole Lamb Rack
10 views
0 likes
0 comments
件羊燒得好正，外層極有炭火嘅焦脆香，而切開，粉嫩嘅肉質一覽無遺，要求嘅五乘熟，燒得恰到好處，篤落去極富彈性，入口軟腍，因為羊脂唔太多，細嚼後羶味慢慢散發，唔會太霸道，喺羊痴必試，就算唔好羊嘅客人，亦可以小試幾口。
Side Dish：Onion Ring配菜有炒蘑菇、忌廉粟米及炸洋蔥圈，香口嘅 洋蔥圈喺我哋共同嘅心水，亦因為前兩者自己都整到，但洋蔥圈又要校粉漿、又要開油炸，較麻煩。洋蔥採用厚切，即喺個洋蔥環闊身啲，脆漿薄而香脆，入口又唔油，炸功上乘，啲洋蔥亦夠香甜，真喺讚一讚我哋無揀錯。
Molten Chocolate with Home-Made Vanilla Ice Cream食完主菜，其實大家都見話飽，不過，女生外，男生一樣可以有第二個胃嚟容納甜品，我哋都嗜甜，就會一會賣成嚿水嘅熱熔朱古力餅「心太軟」。
唔怪得收成百銀，呎吋大到有兩個心太軟咁滯，雪糕亦睇到點點雲呢嗱籽，而且，入口軟滑又富奶香。講到個心太軟，流心效果唔錯，雖然唔叫得澎湃，但切開都大量朱古力漿流出，蛋糕帶點脆身，朱古力味濃，伴以雪糕、朱古力漿一齊食，感人滋味。
初時睇見餐牌，二人餐得一道主菜，有擔心過究竟夠唔夠食，不過，店員話佢哋份量十足，實夠食。睇見蟹餅、羊架嘅份量，就知交足貨。而且，用料高質，菜式又做得好有水準，值得一試嘅扒房小店。暫時所見，菜式選擇唔多，依家好多餐廳都款走「精選」路線，務求以貴精不貴多嚟取勝，又睇睇Bovini能唔能夠以扒做到吐氣揚眉。
Post
