Video
Read full review
2024-05-22
42 views
君蘭麵包廠 📍銅鑼灣東角道26號怡安大廈地下6-8號舖放工同朋友約咗去世貿中心食晚飯，無意中比我發現對面開咗一間裝修幾有特色同格調嘅麵包店，細心睇吓招牌先發現原來係君蘭麵包廠，無諗過佢哋喺港島都會有分店！其實好耐以前都已經食過君蘭出品，特別鍾意佢哋嘅pasties，好似咖喱角、蛋撻等等。而呢一間新進駐銅鑼灣嘅麵包廠，更加推出多款驚喜麵包，最吸引眼球嘅一定要數到小菠蘿包同小牛角包！店員話佢哋嘅麵包每日都係由師傅新鮮喺現場焗製，所以肯定係100% made in Hong Kong嘅。近排好多身邊嘅人都北上覓食，話好平好抵食，但我始終對香港嘅出品比較有信心，所以今次都喺舖頭揀咗四款樣子精美嘅pastries同大家分享，多多支持香港本地商家！ 💰$22香濃咖啡小牛角 🥐君蘭嘅小牛角系列樣樣都非常精緻，因為比較迷你的骰嘅關係，即使一個人食晒成件都唔會覺得太過heavy。咖啡口味紋絡就已經充滿咖啡香氣，食落濃醇幼滑，加上牛角本身酥脆多層次，好食到讚口不絕！ 💰$22提拉米蘇小牛角 🥐同樣屬小牛角系列嘅有Tiramisu味，最啱我同朋友嘅口味！Tiramisu味道香甜，一件pastry食到兩件甜品
📍銅鑼灣東角道26號怡安大廈地下6-8號舖
放工同朋友約咗去世貿中心食晚飯，無意中比我發現對面開咗一間裝修幾有特色同格調嘅麵包店，細心睇吓招牌先發現原來係君蘭麵包廠，無諗過佢哋喺港島都會有分店！
其實好耐以前都已經食過君蘭出品，特別鍾意佢哋嘅pasties，好似咖喱角、蛋撻等等。而呢一間新進駐銅鑼灣嘅麵包廠，更加推出多款驚喜麵包，最吸引眼球嘅一定要數到小菠蘿包同小牛角包！店員話佢哋嘅麵包每日都係由師傅新鮮喺現場焗製，所以肯定係100% made in Hong Kong嘅。
近排好多身邊嘅人都北上覓食，話好平好抵食，但我始終對香港嘅出品比較有信心，所以今次都喺舖頭揀咗四款樣子精美嘅pastries同大家分享，多多支持香港本地商家！
[價錢 Price]
💰$22
香濃咖啡小牛角 🥐
君蘭嘅小牛角系列樣樣都非常精緻，因為比較迷你的骰嘅關係，即使一個人食晒成件都唔會覺得太過heavy。咖啡口味紋絡就已經充滿咖啡香氣，食落濃醇幼滑，加上牛角本身酥脆多層次，好食到讚口不絕！
[價錢 Price]
💰$22
提拉米蘇小牛角 🥐
同樣屬小牛角系列嘅有Tiramisu味，最啱我同朋友嘅口味！Tiramisu味道香甜，一件pastry食到兩件甜品嘅滋味，認真抵食！
[價錢 Price]
💰$20
麻糬芝麻菠蘿包 🥯
小菠蘿包系列除咗好打卡able之外，款款亦都充滿特色同創意，今次我就揀咗灰黑色嘅麻糬芝麻菠蘿包，麻糬非常煙韌，菠蘿包仲有芝麻流心餡，細細個嘅份量啱晒一個人食，食完唔怕有罪惡感！
[價錢 Price]
💰$36
Nutella可頌瑪芬
今次購入嘅4款，我最鍾意係Cruffin，亦即係Croissant + Muffin！前排好興食Croffle，食得多咗都覺得有少少厭，今次俾我發現呢度難得推出Cruffin，即使單價略貴，但都想買返件食。果然無揀錯，除咗大家喺表面睇到嘅Nutella之外，中間亦都填滿左大量Nutella，所以切開嚟食嘅時候就會有流心效果，而且佢嘅口感整體比起牛角系列仲脆口，仲多層次，喺返到屋企加熱後口感同味道都係最出眾嘅一個！
溫馨提示，即買即食當然新鮮好味，但如果拎到返屋企都想體驗到最完美嘅口感同味道，可以考慮用焗爐/氣炸鍋/迷你多士爐仔加熱，不過就要留意好似小牛角系列上面唧咗醬嘅話，就有機會溶。
Post
