鮨玥 (Closed)

去唔到日本，唯有搵間有質素既日本餐廳彌補下。一打開餐牌，真係咩都想叫黎試。低糖玉子燒本身對玉子燒一般，因為覺得太甜。見到呢度有低糖，又試試佢。蛋味唔算太濃，淨係食到輕輕甜味，口感豐厚好實在。36蚊，可以一試。唐揚日本池魚苗 呢款小食好多時都會叫，一大碟，傾計做小食，一流。 其他餐廳既唐揚池魚仔，好多時都帶苦味，主因魚苗細仔，廚師唔會續條劏肚，好多時都原條炸，連內臟食，好難唔苦。不過呢鮨玥竟然有做續條劏肚呢1步，入口完全唔覺油膩，輕微脆身，成碟清哂都完全無苦味，小食推介👍牛油果軟殼蟹卷 普通既卷物，不過不失，牛油果，青瓜絲令卷物食落好清新，軟殼蟹唔覺一口油，帶輕微脆脆口感，可惜紫菜韌左D。生薑燒黑豚丼黑豚咸左DDD，一定要連飯一齊食，有肉香，飯量好足，男士都一定夠飽，鐘意食日本米既人，會好滿足。蔥本鮪魚腩海膽丼好足料，唔腥，加拿大海膽既量一D都唔孤寒。入口時仲保持到偏凍溫度，證明佢地凍櫃保鮮做得好好。呢一點對刺身好重要。👍食完個飯，唔夠喉。再叫多份100g既海膽刺身。 100g絕對有多無少。好鮮甜大滿足。本鮪壽司盛 日本壽司又點少得拖羅 叫呢個本鮪壽司盛，就岩哂，試哂幾個唔同部位晚吞拿魚