L.D.K. by Ufufu Café (新都會廣場)

Open Now

Now Closed

同朋友去咗葵芳行街，大家行到攰攰地又餓餓地就想搵間餐廳食野。友人想食啲濕濕地既野食，睇呢間餐廳show 咗個menu 有烏冬食，咁就入去試下啦。朋友揀完一輪，佢都係食烏冬，而我就見到有吞拿魚蓉丼，見張相賣相唔差，價錢$15x，所以我就揀咗呢個丼食。個烏冬比menu 個賣相差好遠，友人食落話還可以。而個吞拿魚蓉丼個賣相還可以，似模似樣的，而份量驟眼望落去都似模似相的。正當我以為呢間野食還ok時，用地筷子篤落碗丼一撬，即刻嘩咗一聲。頂，碗野啲魚蓉薄真超薄，比1 mm超薄仲要薄。我左挑右勃將啲吞拿魚蓉拼埋一齊，發現啲魚蓉份量比壽司朗一碟的$12軍艦仲要少。呢間野無質量，唔怪得堂食係繁忙時間都坐唔滿。