Video
Read full review
2017-07-13
131 views
觀塘返工不時都會經過宏利大廈，見到囍呢度午飯時間仲經常堆滿等位嘅人，有次行過有人派傳單，咦，晚市最平$88任食火鍋，啤酒汽水都係任飲，加埋一$100有找喎，我覺得值得試下，於是打比老婆大人，叫佢今晚過黎觀塘接我放工，順便試下個火鍋。6:30到，時間仲早唔駛等位，一坐低侍應就比個餐牌我揀食邊款了。$88當然吸引啦，但無牛肉架喎，$138有牛肉但又無海鮮，咁不如揀$168啦，有牛肉又有海鮮湯底方面，侍應向我地推介呢度嘅皇牌--黃金雞木瓜椰子雞湯底檯面仲有埋公仔教你點樣享用呢個湯底添黃金雞到了，而且仲有木瓜相伴。快快脆脆掉晒落鍋先仲預備左個砂漏比我地計時，呢個服務認真貼心。等緊隻雞煮熟嘅時候，把握時間出去望下有咩任野食啦。壽司卷、沙律同枝豆都係可以即食嘅。生菜、菠菜、油墨菜、金菇、翠肉瓜、冬瓜、粟米、蓮藕、豆卜等等.........真係要用包羅萬有黎形容。呢度啲菜類、菇類、丸類選擇真係嚇你一驚，成個街市咁。旁邊仲有腸仔、午餐肉、蟹柳棒、火腿等呢啲肉類都係任食架，真係想唔飽都難呀出去掃完一轉配料之後，返黎時間剛剛好，一打開蓋，嘩，一陣椰子香味直撲出黎。根據指引，我地應該先飲呢個湯，之後先落其他
咦，晚市最平$88任食火鍋，啤酒汽水都係任飲，加埋一$100有找喎，我覺得值得試下，於是打比老婆大人，
叫佢今晚過黎觀塘接我放工，順便試下個火鍋。
6:30到，時間仲早唔駛等位，一坐低侍應就比個餐牌我揀食邊款了。$88當然吸引啦，但無牛肉架喎，$138有牛肉但又無海鮮，
咁不如揀$168啦，有牛肉又有海鮮
湯底方面，侍應向我地推介呢度嘅皇牌--黃金雞木瓜椰子雞湯底檯面仲有埋公仔教你點樣享用呢個湯底添
黃金雞到了，而且仲有木瓜相伴。
快快脆脆掉晒落鍋先
仲預備左個砂漏比我地計時，呢個服務認真貼心。
等緊隻雞煮熟嘅時候，把握時間出去望下有咩任野食啦。壽司卷、沙律同枝豆都係可以即食嘅。
生菜、菠菜、油墨菜、金菇、翠肉瓜、冬瓜、粟米、蓮藕、豆卜等等.........真係要用包羅萬有黎形容。呢度啲菜類、菇類、丸類選擇真係嚇你一驚，成個街市咁。
旁邊仲有腸仔、午餐肉、蟹柳棒、火腿等呢啲肉類都係任食架，真係想唔飽都難呀
出去掃完一轉配料之後，返黎時間剛剛好，一打開蓋，嘩，一陣椰子香味直撲出黎。根據指引，我地應該先飲呢個湯，之後先落其他火鍋了。
飲左一啖，真係好香呀，雞件又啖啖肉，好似飲緊老火靚湯咁。
之後送黎海鮮組合--有紐西蘭青口、廣島岩蠔、北海道魷魚係略嫌個魷魚未完全解凍，仲成舊冰咁，不過全部都大大件架。
肉類我地都叫左美國黑豚肉、特選牛脷同歐洲草飼肩胛牛肉。
黑豚肉肉質比較結實爽口，脂肪較少。
牛脷就有種獨特的質感及濃烈的味道，是其他部分搵唔到嘅。
而草飼肩胛牛肉口感就比較厚實，唔係普通肥牛果啲一淥即縮埋一舊果種，絕對係上等貨色。
最後又點會少得軟雪糕呢，食埋佢就真係要捧住個肚走了。
呢度個黃金雞木瓜椰子雞湯底真心值得推介一下，外面真係未必搵到，
佢個椰子味好香，而且個湯底夠清潤，用黎火鍋啱晒，唔怕熱氣吖嘛。
Post
