茶湯會 (新都城中心) (Closed)

以茶會友，以茶遞情，奉上一杯幸福好茶，傳遞一份真心的人情溫暖。話說今日又約咗朋友見面，行行吓街覺得口渴就去咗茶湯會買嘢飲。去到發現原來茶湯會有賣吐司，一於就當下午茶，試埋佢！我哋嗌左兩杯嘢飲同埋一個吐司。裏面有堂食位置，仲提供咗叉電位～爆漿珍奶吐司$25吐司嚟到嗰陣香噴噴，烤嘅顏色都幾靚。切嗰陣feel到多士好香脆，熱熱地。切開之後，啲珍珠流晒出嚟，好澎湃！珍珠比較細粒，有咬口，好煙韌。裏面嘅醬甜甜地，似係牛油同煉奶嘅混合物，個感覺好似食緊奶油多。裏面仲有少少芝士塊，配搭一流！珍珠紅豆拿鐵$31依杯係凍飲。店員將紅豆打碎晒，成杯野充滿紅豆味，配搭埋珍珠，口感幾得意。入面充滿紅豆同珍珠，好足料！冬瓜鐵觀音$21依杯係熱飲，攞上手真係好熱，唔係講笑！冬天飲暖笠笠，啱晒！飲品嘅冬瓜味好濃，所以飲落幾甜。同埋都會飲到啖啖鐵觀音茶味。故唔到冬瓜味同鐵觀音茶都幾夾！