Cocina 3 Tapas Restaurant & Bar (Closed)

餐廳環境闊落，裝修仿如歐洲古老酒窖，十分有特色。我地坐係半圓紅色梳化位，好舒服😬。餐廳主打西班牙菜，款式甚多。點完餐，店員就會上Doritoso，可以無限refill，飲酒既朋友岩哂🤫。順帶一提，餐廳冷氣凍，店員好細心幫我refill熱水，好細心💯。👍🏻香煎蟹餅 $168蟹餅口感非常細緻滑嫩，食到豐富而濃郁既蟹肉味，唔洗沾任何醬料已經好夠味。👍🏻海膽明太子意粉 $188海膽鮮甜與明太子鹹香完美地融合意粉之中。醬汁十分creamy，意粉彈牙有咬勁，加入粒粒蟹籽令口感更加豐富，好味到一口接一口。西班牙雞肉辣肉腸燴飯 $148呢道菜既外觀十分吸引，紅色飯粒鮮豔誘人。燴飯煮得剛好，柔軟卻不失彈性。雞肉和辣肉腸惹味，不錯啊。