Artisan Room (Closed)

去完旅行番黎，老鍊咁遠專登去到西環食午飯，飯後來一客甜品年多前已經到訪過Artisan Room，再訪感覺依舊，悠閒舒適。平日都有不少客人，我挑戰坐室外，幸好唔係太熱，而且有自然光，照片睇落都幾靚 餐牌供應蛋糕、泡芙、撻、貝果、沙律等輕食；飲品以咖啡、茶為主。巴洛瓦洛圈依然係呢兩種口味：芒果、士多啤梨。巴瓦洛圈 $48面頭係以法國食用花、水果製作嘅啫喱，食用花、水果比之前分佈平均左，色澤更鮮明，特別係士多啤梨嗰款中間一層奶凍，最後係非常薄嘅奶油蛋糕。強調低糖，兩款都唔甜，士多啤梨味依然較為突出，加上有粒粒果肉，口感豐富芒果味道較清淡、甜度更低，配搭滑溜溜嘅奶凍，輕盈、完全不膩。蛋糕底薄到冇感覺(笑) 相機食先一流，味道亦相對一般蛋糕清新。