同人鍋 (Closed)

昨晚與朋友原本打算食台式一人一鍋，但冇位，最終在山林道的同人鍋，見到過晚上九時後任食打邊爐都係百多元的廣告牌，決定一嘗。坐定後經店員大力推介，最終決定食豪一點，叫價錢貴近一倍的雞煲同用龍蝦湯，可選海鮮料的打邊爐任食。飲品任飲，都是些汽水、道地無糖茶及一jar jar的帶甜飲品。先來一個小辣的雞煲，幾好！夠惹味，葱頭爆得香，雞冇雪味。雖然只是和朋友共二人，但份量算幾多，而且熱辣辣的可當食火鍋前的熱身。食完雞唔係加湯落個雞煲，火鍋是另外上的，湯是用龍蝦去弄，但平心而論唔多feel到有龍蝦味。店員把今晚主角，有波士頓龍蝦及鮑魚的海鮮盤拿出來。基本上每人分到半隻龍蝦、一隻鮑魚及一隻瀨尿蝦，這三樣東西只可叫一次。龍蝦肉唔算多，只屬扼like而已，鮑魚不過不失，反而瀨尿蝦肉夠爽口，不俗。其他海鮮包括花甲、白鱔片、海虎蝦、松葉蟹鉗、馬刀貝、韓國蠔、帶子、魷魚、藍青口、花枝片及鑽石蜆則可無限添加。朋友最喜歡海虎蝦，不大隻但鮮甜彈牙。拿海鮮盤過來時，店員同樣精選了一盤火鍋料過來，全部可refill，我們添食得最多的是安格斯肥牛及黑豚肉，另一款紫薯水晶包夠煙靭，也值得一試。雖然連加一最後每人埋單都超過三舊