齊柏林熱狗店 (灣仔道) (Closed)

上星期經過見到灣仔開左間熱狗舖排晒長龍咁，今日終於有時間搵埋同事試一試，疫情嚴重外賣返office 食岩岩好，之前經過兩次都排晒隊估唔到今日少人買，可能天氣熱唔想排隊喇，咁佢d set其實幾抵嘅，一份熱狗可以加$12配兩個小食或飲品，加$5仲有得細薯條轉大薯條，最後同個同事就叫左一份火炙芝士辣肉醬熱狗，配細薯條同埋牛油粟米杯，一份就澳式風情熱狗，散叫九件洋蔥圈，埋單$54+$58唔算太貴。好重點來喇，我同個同事都想share試下兩款熱狗咁就切開左，一切開係個肉醬熱狗無汁流出來嫁喎，之後放入口一試再試三試，都食唔到有肉醬嘅🤔🤔🤔🤔🤔，同埋無辣味囉，之後再切個澳式就有少少千島汁流出來，食落都幾好，呢款應該係豬肉腸來，反而呢款都幾好食，之後試下d薯條呀，洋蔥圈都唔錯，粟米杯就正常咁，d小食做得幾好，古怪係隻熱狗就好麻麻下，d醬汁好似好貴咁少到食唔出落左，仲要岩岩新開來講真係唔太得，水準預期之下，好大進步空間！