Video
Read full review
2008-02-12
7 views
小弟一向鍾意食雞，尤其是海南雞(遺憾到而家都未親身試過新加坡o既正宗海南雞飯)。行開金魚街同高登，都見過呢間鋪，但次次基乎係任何時候都係人頭湧湧，所以一直冇試。今晚終於得償所願，竟然捕到有空位，於是即刻攝入去^^可能因為鋪位細，我坐的枱 子其實並非店面入面，而係間鋪隔離o既臨時空鋪，簡單o黎講就係零裝修，感覺好有大排檔feel...既然呢間野打正旗號海南雞，咁當然要試o下，可惜以一間專賣雞o既食店來說，上菜速度真係慢得可憐，據我估計佢地係會儲埋一疊單至起菜，因為隔離枱 等o左成十幾分鐘，直至我同其它人都點了海南雞，才忽然齊齊上菜...所以淨係呢點就要改。至於o的餸 同飯，個人覺得雞油飯就不過不失，又唔似得樓下o既網友講到話一o的味都冇...不過飯o既份量就真係有多有少，隔離枱 果碟成座山咁高..但小弟果碟...三扒兩撥就食唒。而主菜海南雞...好老實，冰鮮雞，你還可要求甚麼？嬾滑已經好好了，加上真係起o左骨，我個人覺得已經算唔錯，好過大解樂果o的呀！而且佢果醬真係混得幾好，只可惜跟o黎果個湯實在太唔掂，得個咸字，同埋已經凍冰冰...失敗另外，小弟亦到一時失策叫了杯泰式咖啡，12蚊杯，根
可能因為鋪位細，我坐的枱 子其實並非店面入面，而係間鋪隔離o既臨時空鋪，簡單o黎講就係零裝修，感覺好有大排檔feel...
既然呢間野打正旗號海南雞，咁當然要試o下，可惜以一間專賣雞o既食店來說，上菜速度真係慢得可憐，據我估計佢地係會儲埋一疊單至起菜，因為隔離枱 等o左成十幾分鐘，直至我同其它人都點了海南雞，才忽然齊齊上菜...所以淨係呢點就要改。
至於o的餸 同飯，個人覺得雞油飯就不過不失，又唔似得樓下o既網友講到話一o的味都冇...不過飯o既份量就真係有多有少，隔離枱 果碟成座山咁高..但小弟果碟...三扒兩撥就食唒。而主菜海南雞...好老實，冰鮮雞，你還可要求甚麼？嬾滑已經好好了，加上真係起o左骨，我個人覺得已經算唔錯，好過大解樂果o的呀！而且佢果醬真係混得幾好，只可惜跟o黎果個湯實在太唔掂，得個咸字，同埋已經凍冰冰...失敗
另外，小弟亦到一時失策叫了杯泰式咖啡，12蚊杯，根本係搶錢，所謂泰式，我初頭仲會諗住有o的驚喜...點之飲完一啖再飲一啖，除o左甜都係甜...我唯有幻想己經加了玉桂...或者其它我唔知的香料吧...說實話，我當時真係好想問o下個侍應究竟呢杯野同我平時o係茶記飲開o既捷榮咖啡有乜分別！！
埋單海南雞飯($38)加杯泰式咖($12)，盛惠$50...唉！感覺貴o左o的...不過我還會再去，因為我想試埋個冬蔭功湯...
後話，有網友話o的service好唔得...我覺得一般啦！今時今日o既香港，你俾得乜野人工，就有乜野人。我只可以話佢請o既人係多，不過唔太識點樣分配人手工作囉...
Post