Co-Dining Space (Closed)

今日約左朋友行街，行完海港城搵間 cafe 開心吹水！見開飯好多評語都話唔錯！會一會佢！我地好好彩，原來平時要訂位架 🤣🤣🤣 有位真好！咁睇左有餐唔駛煩 🤣🤣 首先每人一個湯，南瓜忌廉湯，南瓜蓉好多！麵包浸淋左，但都有部份脆既！前菜黎喇，呢個係法式薯蓉焗田螺，薯蓉好明顯我地食唔哂，太大堆 🤣🤣 田螺食唔太到咩味！反而堆菜幾好味！我鍾意佢個醋！之後係柚子大蝦沙律，個醬汁好開胃，柚子汁黎，酸mimi！唔錯！入面都唔少生果同菜，仲有車厘茄添！黑松露什菌意大利飯，勁多菇，呢個唔錯！黑松露味都好夠！西班牙黑毛豬串燒，串燒燒到好香口！唔乾！底下配既蕃薯條好正！我地叫左蜜桃冰茶同菠羅薑味梳打！