ND42 Bar & Lounge (Closed)

收工約同事happy hour吹下水兼當farewell (人地要返屋企交人... 無法😂) ，行過呢間corner bar見仲未好多人，一路播住音樂，氣氛好似幾好，就揀左入黎坐。舖頭唔係好大，不過座位一啲都唔迫，睇menu可以開紅酒白酒，但大家都唔係酒鬼，志在chit chat下，所以每人嗌咗一杯嘢+少少野食。叫咗一個salami pizza 同埋cheese and bacon雞翼。pizza有驚喜，餅底做得幾軟，cheese出色好煙韌，用來呃like都冇問題，而我自己食pizza一向都係鍾意pepperoni or salami，兩樣都係我嘅 1st choice；cheese and bacon雞翼朋友就覺得有少少失望，佢以為係溶芝士，但係其實係芝士碎加bacon碎，不過雞翼炸都唔錯而且好juicy。酒吧唔係好多人，我哋傾咗大概兩個鐘頭有兩枱客都係一班朋友開紅酒吹水，因為酒吧個音樂同氣氛真係幾適合去做呢樣嘢，而且價錢唔係好貴，下次可以再來。