Smokey Ice (Closed)

早幾日踢波踢到身水身汗，突然好想食甜野。咁就過左對面街白布街搵野食，有一間叫SMOKEY ICE 既特色甜品店。之前係openrice到睇過都幾得意，所以就入去試下。入到去有個都幾靚仔既樓面問我地幾多位。然後安排左我地坐6人既雅座。都幾好坐既我班波牛FD 一黎就叫左好多野。但其實都唔係咁想食咁多野。所以我叫左個榛子醬棉花糖吐司就算。一黎到梗係要相機食先啦個賣相咁正。將多士整到好食其實都要花好多心思，佢將多士擺底上面加個燒棉花糖，再係上面加榛子醬。唔只咁，仲要放個雪糕係中間。真係一次過滿足晒我D願望仲要都只係68$ 真係好抵。我地食下吹下都吹到十二點幾。唔係因為尾班車我地應該會再HEA 耐D 。以後踢波之後又多個節目LU 。