Video
Read full review
2010-12-21
46 views
2條友吹水, 想搵間可以坐得耐d的餐廳, 原來去露比星期二, 但要等1個鐘, 所以轉咗去pizza hut, 離遠見到冇人等, 行到去又見到入面大把枱, 所以就決定入呢間,...............同門口姐姐講2位, 佢竟然比張飛我地, 我當堂, 我忍唔住同個fd講, 明明入面大把枱, 點解唔比我地入, 而要拎飛等呢, 個姐姐答話要等同事帶wor~~ OK, 我接受佢解釋, 但都唔駛等5分鐘咁耐呀?? 入面又唔係好多人要招呼................5分鐘後, 有個哥哥帶我地坐cashier隔離果個area, 入面有張6人枱+4人枱+2張2人枱, 佢叫我地坐近牆果張2人枱, 但我地見張枱太細, 要求換過另一張, 佢話不如將另一張枱泊埋比我地, OK, 起碼多d放嘢, 張枱又大d, 因為本身張枱細到放1個pizza就冇位lor~~~我地考慮咗幾分鐘, 但等有waiter見到我地時亦都等咗幾分鐘, 再等埋d食物嚟再等多十分鐘....................... 三文魚湯個湯都唔熱, 只係暖, 照正常應該一路heat住, 就算唔係, 都應該响上枱時re-heat比客人丫.
我地考慮咗幾分鐘, 但等有waiter見到我地時亦都等咗幾分鐘, 再等埋d食物嚟再等多十分鐘.......................
三文魚湯
個湯都唔熱, 只係暖, 照正常應該一路heat住, 就算唔係, 都應該响上枱時re-heat比客人丫...........唔通係放出嚟好耐, 冇人得閒拎過嚟??
個湯比平時d忌廉湯淡, 只係加咗幾片仔煙三文魚, 咁就叫三文魚湯, 好彩係跟餐有, 如果自己散叫, 我會覺得唔抵lor~~~
燒豬仔骨沙律
豬仔骨有5條骨, 但真係得個骨lor~~ 冇乜肉食到, 而且冇乜味道, 又燒得唔夠香...............
個沙律仲衰, 得1粒車厘茄+幾片生菜, 淋少少酸酸地又有dd辣辣地的沙律醬, 有幾片生菜個邊仲要係變黃咗, 好似擺咗好耐咁樣.............
海斑火山批
睇廣告果陣覺得好正, 因為批邊整到一粒粒, 然後每粒都會好似火山咁流d芝士出嚟, 但廣告始終係廣告, 永遠同實物係有分別, 仲要係好大分別...........因為個火山變咗做死火山, d芝士唔識流出嚟, 送到上枱果陣已經流到乾咗, "琼"咗响度唔識流................失望............
主角係海斑, 大約有8舊左右啦~~ 因為佢預你個批係一開八.............食落冇乜特別, 因為擺明係急凍魚, 亦都唔期待有魚味, 只要唔腥就已經好好架喇~~ 其餘仲有蝦, 八爪魚, 墨魚, 洋蔥, 青椒, 都係例牌海鮮,,,,,,,,,,,,,,,,但佢落咗好多胡椒粉, 想蓋過d腥/雪味, 跟住我落勁多芝士粉去蓋過番佢d胡椒粉味...............
個批除咗整到一粒粒伴邊之外, 中間個批底薄得嚟唔似平時d薄批咁脆, 仲有少少un un地tim~~ 不過佢d粒粒好香好濃芝士味, 如果可以流漿仲正~~
香蒜肉絲意粉
呢個意粉等咗大半個鐘先有, 仲要係唔追唔出, 一追就即刻5分鐘內送上, 明明係成個餐, 點解可以漏咗其中一樣呢??
意粉比平時少, 都裝唔滿個兜, 成個意粉黏滿勁多蒜, 好香, 不過就冇肉絲, 只係內粒/碎, 仲有少少火腿絲, 大量紅蘿蔔+青豆粒, 如果淨係食1個意粉係唔夠飽lor, 而且d意粉好硬身, 唔知係咪趕得濟~~
紅豆雪山
即係紅豆雪糕, 面頭加cream, 又係唔知係咪放好耐先上枱, d cream差不多溶哂, 個雪糕又林哂.............
凍檸茶
冇茶味, 檸檬又唔夠, 成杯檸茶係勁淡味lor~~
成餐飯食咗2個幾鐘, 完全係冇人理, 食完又冇人收碟, 想叫嘢又冇人理, 又漏單, 除咗餐入面果個意粉漏咗之外, 另外叫咗個薯條都冇嚟, 後尾埋單都冇呢項, 原來係冇落單, 但佢覆單時又有講架bor~~ 雖然service係差咗d, 但勝在任你吹水, 都唔會有人趕你走, 因為根本冇人理你........haha~~ 但你吹水吹到口乾, 係唔會有人refill水比你架~~
Post
