意粉屋 (Closed)

我都好耐無去過意粉屋了。呢晚係我和我男友相識後第一次約會，而且旺角呢間意粉屋既野都幾好食啦，咁我一於寫番篇食評啦。我們約 7 點半去到意粉屋，呢晚都幾多人呀，等了 15 分鐘至有枱俾我地，都算快啦。田螺焗薯蓉薯蓉的賣相都唔錯，既有薯蓉的軟滑口感，上面焗得有少少金黃的焦，又有少少脆脆地。田螺上面有好多蒜蓉，係有幾重蒜蓉味，味道都ok。炸鷄籃 (配薯條)炸鷄皮炸得卜卜脆，好香口，不過有些油。鷄籃入面有炸鷄翼和炸鷄下腿，煮得夠熟，肉質都頗嫩滑。薯條都炸得好香脆。我發覺我們兩個都好鍾意食薯蓉和芝士肉醬之類的東西~ 我們好心靈相通地，一致都好想食蕃茄肉醬千層闊條麵。上面舖上焗好的芝士，溶左入去千層麵上，有少少膩但係我好鍾意，肉醬都少少蕃茄的甜酸味，只是闊條麵稍為稔左少少。呢度三碟餸，份量都頗多架，我們兩人都食唔晒。我們食了約 $300，價錢都算合理。我們九點食完，食完都仲坐係度吹水無所不談，傾得好開心，而且桌面有好大支水，任飲唔嬲，我們坐到 10 點都無人會趕客，我覺得呢度都係吹水既好地方。