十二味貴陽牛肉粉 (Closed)

今日同幾多個fd行完奧海城,就係附近搵下有咩好食啦~突然想食下辣野,就搵左間叫十二味貴陽牛肉粉既餐廳食晚飯啦..天氣涼涼地,我地就揀左坐室外食,成間餐廳環境幾亁淨,整體坐落都舒服,坐出面食野一班FD傾計吹水好正..我地都叫左幾多送, 辣野太吸引了! 我地每人叫左碗湯面, 我就點左碗清燉牛肉面, 好大碗,熱辣辣好暖胃!而且個湯都幾鮮味, 唔係味精味~牛肉都幾軟,食一啖面飲一啖湯都唔覺油~呢度仲有樣野好,就係有麻粉同辣粉提供可以因應自己喜好 自己調味,我個人就鐘意偏麻^^”所以清湯都忍唔住加左少少麻辣粉…小菜方面我地點左手拍青瓜, 青瓜好爽脆! 跟住有紅油木耳, 係我最愛既一道! 酸道岩岩好,好開胃!又唔會太辣~ 另外仲叫左麻辣手撕雞 ,呢樣都係我食辣必叫既送~ 手撕雞肉幾嫩滑,果然係店舖推介菜式野飲方面試左店主推介既貴陽玫瑰冰粉, 食完辣野食個冰粉好夾啊! 味道唔太甜帶玫瑰花香, 好易入口, 佢有D好似啫喱咁既野,口感好好~大家可以一試~haha..食飽飽坐多陣傾計都得, 鐘意食辣既朋友又想有個好地方吹水聊天,揀呢間都不錯的!