京滬佳餚 (亞太中心) (Closed)

之前食過銅鑼灣分店覺得唔錯，所以今次帶屋企人食尖沙咀分店！但係食物賣相ok但水準差左， 隻鴨好騷，唔肯定係因為分店嘅問題定點！味道一般cp值吾高！但係最失望嘅點都唔係咁！係服務問題！全晚極速收碟，基本上每樣嘢食一食完下1秒就有人收碟！最慘嘅係未食完都收，行埋嚟直接話‘呢個幫你收左佢’我哋應都未應得切佢已經拎走咗問都吾問下人🌚叫完湯有多又係咁話要裝出嚟，一見到有空碗就話要拎去裝！人哋唔想要都裝！完全係想人哋快啲食晒啲嘢快啲走！當所有嘢食上齊食完，即刻行埋嚟話幫我地收咗啲碗筷全晚嘅感覺就係俾人趕走！！一出到去見有人停位就知咩事我地由食物到去到食完都只係大概一個鐘🌚速食咁！