Video
Read full review
2019-05-03
41 views
呀叔個女朋友一直都叫我陪佢食呢間甜品，咁我次次都話下次先啦，講真，堂堂一個身高180，大隻到雷神的男人，去吃呢啲「港女」野，我真係不能接受。但我女朋友不斷話好好食，咁啱又撞正啲咩紀念日，作為一個優雅而體貼的男人，我今次決定走出自己的comfort zone。平時我去朗豪坊完全冇為意呢間野，通常直上天梯睇Lego，原來佢係條天梯隔離。咁佢就話想食個士多啤梨芭菲，問我想食咩，我話你喜歡啦我都唔識揀，咁佢就叫了個tea set，然後叫杯Latte(成個menu唯一我識叫嘅野)。個tea set 有蜜瓜配兩款水果。哇，個蜜瓜，好食到，食第一啖就食到係日本野，食多兩啖我就feel到係北海道夕張蜜瓜！(我屋企人係九龍城開水果鋪)甜，但唔係死甜，而係鮮甜，好fresh，搞到個奇異果士多啤梨即刻酸到爆。配上抹茶雪糕，雪糕本身比普通雪糕厚身但唔係杰撻撻個種，口感豐滿，奶味香濃，好似去左北海道農場咁。再飲啖latte 中和甜味，我開始明白港女的幸福了。我女朋友叫個杯芭菲都幾正，但我只吃左幾啖。層次分明，桃，糖漿，仲有脆口應該係玄米粒價錢當然唔平，但水果新鮮，雪糕creamy，係鬧巿開鋪，都叫做值啦。雖然焗
講真，堂堂一個身高180，大隻到雷神的男人，去吃呢啲「港女」野，
我真係不能接受。
但我女朋友不斷話好好食，咁啱又撞正啲咩紀念日，作為一個優雅而體貼的男人，我今次決定走出自己的comfort zone。
平時我去朗豪坊完全冇為意呢間野，通常直上天梯睇Lego，原來佢係條天梯隔離。
咁佢就話想食個士多啤梨芭菲，問我想食咩，
我話你喜歡啦我都唔識揀，咁佢就叫了個tea set，然後叫杯Latte(成個menu唯一我識叫嘅野)。
個tea set 有蜜瓜配兩款水果。哇，個蜜瓜，好食到，食第一啖就食到係日本野，食多兩啖我就feel到係北海道夕張蜜瓜！(我屋企人係九龍城開水果鋪)
甜，但唔係死甜，而係鮮甜，好fresh，搞到個奇異果士多啤梨即刻酸到爆。
配上抹茶雪糕，雪糕本身比普通雪糕厚身但唔係杰撻撻個種，口感豐滿，奶味香濃，好似去左北海道農場咁。
再飲啖latte 中和甜味，我開始明白港女的幸福了。
我女朋友叫個杯芭菲都幾正，但我只吃左幾啖。
層次分明，桃，糖漿，仲有脆口應該係玄米粒
價錢當然唔平，但水果新鮮，雪糕creamy，
係鬧巿開鋪，都叫做值啦。
雖然焗住要影啲港女打卡相，但食物真材實料，呀叔我內心深處的少女心亦都開始萌芽了⋯⋯
Post
