百味食品

Open Now

Now Closed

2019年3月25日6pm左右，我來到依間兆萬隔離既百味食品。我叫左包米線、青瓜同中華沙律，個呀姐聽多左以為我叫雞腎，好快就倒哂啲雞腎落包面到，但因為我冇叫，佢就要夾番雞腎出黎。佢自己聽錯，沒有講唔好意思之餘，仲好不耐煩既態度！比包面時及找錢比我既時候扔擲於桌及地下，真係好差！各位如果唔想食野都受氣、睇人臉色，行過對面街幫襯其他攤檔仲好過！例如大雞大、椰子汁檔、雞蛋仔檔、煎釀三寶等等，有大把好野食，唔洗睇啲呀姐黑口黑面。我以後永遠都唔會再幫襯兆萬隔離依檔「百味食品」。我亦都會叫朋友唔好黎依間幫襯，仲有其他冷面檔口就係附近。因果報應：種咩因食咩果。