K-Pop snack

Open Now

Now Closed

今日懶得郁，所以同同事叫外賣做Lunch。叫左公司附近由韓國人打理的Kpop餐廳，專賣各種韓式小食同主食。兩個人共叫左一個炒粉絲及兩份小食share。呢份紫菜卷，包得都幾實淨。新鮮無雪味，入面的酸蘿蔔好香。另外我們叫左份泡菜煎餅，唔多食得辣+好鍾意食煎餅的我，認為泡菜份量適中，有泡菜香但唔會辣。大家可以跟據大家的喜好揀豬/牛/辣雞的韓式炒粉絲，而今次我們就揀左辣雞。辣雞主要放係炒粉絲的面，唔算好辣，只有辣的香味。如果你同我一樣都係唔點食得辣可以放心食。粉絲的面質都係好彈牙，唔會過淋。粉絲仲落左洋蔥、紅蘿蔔條入去炒，令到個粉絲更香更有口感。兩個人一麵兩小食共$113，唔算平，不過間中食下都ok。另外餐廳的份量比較少，男孩們可能要叫多少少野先夠飽。