Video
Read full review
2012-02-29
25 views
11月30日, 呀菲生日快樂!~ 終於又嚟到一年慶祝一次嘅時間, 朝早第一餐雖然唔算早, 但係都仲算係叫做早餐~ 先俾呀菲揀下想食咩, 要搵Egg Benedict食其實難度唔大, 不過有d一係食過, 一係就評語唔太好. 最後喺銅鑼灣搵到呢間Home, 我地就出發喇~::: Egg Benedict with Salmon ::: $64呢度嘅Egg Benedict同平時出面唔同嘅係佢只得一隻, 不過size就好好似比平時嘅大dd, 仲有伴碟嘅少少雜菜沙律. Egg Benedict嘅精粹holladaise sauce多到滿瀉, 但係質地比較稀, 味道其實ok, 不過個人覺得杰d會好d~ 隻蛋又超大隻, 蛋黃味都幾濃郁! 不過下面嘅smoked salmon就唔太鮮, muffin都淋咗少少… overall唔算特別好, 不過亦唔差~::: Breakfast Waffle ::: $68呢個 waffle set就有跟煙肉, 豬肉腸同2隻太陽蛋, 賣相都幾靚, 太陽蛋煎得ok, 同埋個窩夫色水唔錯~ 食落煙肉同豬肉腸個味道都係平時一般食開嗰d, 要讚嘅係佢隻太陽蛋幾新鮮幾靚, 應
::: Egg Benedict with Salmon ::: $64
呢度嘅Egg Benedict同平時出面唔同嘅係佢只得一隻, 不過size就好好似比平時嘅大dd, 仲有伴碟嘅少少雜菜沙律. Egg Benedict嘅精粹holladaise sauce多到滿瀉, 但係質地比較稀, 味道其實ok, 不過個人覺得杰d會好d~ 隻蛋又超大隻, 蛋黃味都幾濃郁! 不過下面嘅smoked salmon就唔太鮮, muffin都淋咗少少… overall唔算特別好, 不過亦唔差~
::: Breakfast Waffle ::: $68
呢個 waffle set就有跟煙肉, 豬肉腸同2隻太陽蛋, 賣相都幾靚, 太陽蛋煎得ok, 同埋個窩夫色水唔錯~ 食落煙肉同豬肉腸個味道都係平時一般食開嗰d, 要讚嘅係佢隻太陽蛋幾新鮮幾靚, 應該係用上等貨, 蛋白個底唔會煎到好燶又唔會有陣油臆味, 蛋黃好thick好fresh, 唔錯~ 當然, 個窩夫係本店推介都唔會差得去邊, 烘得剛剛好嘅窩夫外脆內軟, 亦都唔係空心嘅, 足証真材實料~ 加埋糖漿牛油食令味道更突出~
::: Latte ::: $26
出嚟嘅Latte冇拉到花, 只係一pat泡喺面頭, 味道較為普通, 可以唔駛落糖, 因為奶味比較重, 味道夠甜但係冇乜啡味. 普通普通…
睇環境呢度真係幾適合坐低傾下計慢慢食, 有個大玻璃可以望住出面街景樹景, 都幾寫意架. 食物質素一般啦, 價錢仲喺中上, 有好有唔好. 不過好似中午set lunch仲平d, 下次都可以再嚟試下佢地嘅正餐~
Post
